منتدى الفرح المسيحى - الإرتباط يواجه المطبات

https://files.arabchurch.com/upload/i...7615726785.jpg

لما بيخلص دور الحب من بعيد لبعيد ويبتدي كل واحد يعرف التاني ، ويقبل إن يكونلو شريك ..
لما كل واحد يقرر إن قراره ورأيه وحياته هيبقا ليه فيهم شريك. هنا بيبتدي الإرتباط
الإرتباط مبيتولدش بدبله ولا حتي بدله وفستان فرح .. ممكن يكون موجود قبلهم بكتير ، وكل واحد حاسس بإلزام ناحية التاني .
والجميل أوي لما بيبقا إلزام إختياري .( أنا عارف اللي حبيبي عاوزه وهعملو عشان أنا كمان بقيت عاوز كده بإرادتي أنا).
الإرتباط بيكمل وبيبلغ معناه لما بيحصل التناغم والإتفاق بين الطرفين . لما بيبقا إرادتهم تقريبا واحده أو حتي تشبه بعضها .
بيبتدي للأسف يواجه مطبات مع بداية ظهور الأختلافات وياسلام بقا لو رشة عناد يبقا عندنا مشكله أكبر والحقيقة مهما كان الحب قوي ضروري يتعرض لعقبه، بس إطمنو ف الغالب بتعدي بتضحيه من حد فيهم أو منهم هما الإتنين .
إنما لو كل واحد مقتنع برأيه ورافض التضحيه هنا بيبقا في مشكله حقيقيه . أو لما طرف يمل من كتر التضحيات .. أو إن الإرتباط ياخد شكل قيود وبس . ويبقى عامل زي حبل بيكتف .
الإرتباط بيحجم وبيقيد شويه وساعات بيقلل نسبة الحريه في أمور معينه .لإن الشخص اللي نرتبط بيه بيبقا ليه حق كبير علينا . وبيصبح ليه النصيب الأكبر من الإهتمامات، إنك تبقا في بعض الأمور ملتزم بوجهة نظر مشتركه بينكم عشان متزعلوش.
إلا لو إرتبطت بحد إنت عاوزه بجد القيد والتحجيم وكل ده بيبقى علي قلبك زي العسل وممكن من نفسك تعملوا بدون طلب من الطرف التاني.
إوعا تقبل بحد أجبرته الظروف بأي شكل أنه يلبس سلسلة الارتباط .
الإرتباط لو سلسله دور علي اللي هيلبس السلسله دي بمزاجه وبارادته ،اللي لو السلسله دي مش موجوده مش هيهرب ويجري ، وهيبقا ليه نفس الموقف أنه يستنا معاك لأن إرادته يبقي جنبك .
الارتباط لما يبقا قيد إختياري بيبقا حلو جدا