منتدى الفرح المسيحى - مش ضروري الراجل ده يكون حبيب

https://upload.chjoy.com/uploads/1499069019361.jpg

ف نوع كده من الرجاله..
بيعرف يتعامل مع البنت وبيستحمل تقلباتها المزاجية وكم الطفوله واﻻكتئاب والعياط ال بيحصلها من غير مبرر ،
بيتهم بيها من غير مقابل عارف بتتصالح ازاي أو بمعني اصح عارف مفاتيحها ايه بيقدر من نظره يعرف مالها بيعاملها زي طفله لسه بتتعلم إزاي تمشي وبيسندها زي ما اﻻم بتسند ابنها ف اول وقعه لما بيمشي اول مره وبيقولها "انت قوية وهتقدري تكملي"...

بيشجعها دآيما ف كل حآجه ساندها وبيبسط لها اﻻمور ﻻن البنات عندهم "تهويل المواضيع" بيعملوا من مشكله صغيره مشكله كبيره وبيضغطوا ع اعصابهم بيها ،
هادئ جدا ف التعامل ﻻنه مدرك إن العصبيه هي طريق للعند مش للتفاهم وان "البنات" لو حد اتعصب عليهم اقل رد فعل بيحصل "العياط" بيتبع سياسة"بالحنيه كله بيفك"

بيتعامل معاها ب حنيه أب وخوف أم ورخامة ودلع اخ
والكلمه منه بتفرق ولو هي نجحت ف بتدي الفضل اﻻول ل وجوده وتحمله الكامل ليها .
مش ضروري الراجل ده يكون حبيب بس ايا كان الدور اللي بيلعبه النوع ده ف حياة البنت وجوده ف حياتها بيفرق بشكل جميل ف نفسيتها ومسار حياتها بالكامل....