منتدى الفرح المسيحى

- اختاروا الناس الطيبه البسيطة اللي بتسامح بسرعه ومستعده تضحي عشانكم .. الناس المتفهمه اللي بترضي بالموجود وتحس باللي قدامها ومش بيبصوا لغيرهم وشاكرين ربتا ع اللي يجبوه .. الناس اللي عايشه الواقع مش فاكره أن الزواج زي الفيس والافلام والروايات وعارفين أن الزواج مسئوليه كبيره .. لكل زوج وزوجه انتم سند لبعض وملكمش الا بعض فبلاش تهدوا ف بعض بلاش تكبروا الأمور وبلاش الإهمال ف التفاصيل الصغيرة لأنها بتفرق ودورا ع الإيجابيات عشان النفوس تصفي وتهدي ..

الكلام ده بيلخصه ببساطة الاية اللي بتقول "امْرَأَتُكَ مِثْلُ كَرْمَةٍ مُثْمِرَةٍ فِي جَوَانِبِ بَيْتِكَ. بَنُوكَ مِثْلُ غُرُوسِ الزَّيْتُونِ حَوْلَ مَائِدَتِكَ" (سفر المزامير 128: 3)

مراتك هى اللى هتصونلك بيتك و تربيلك عيالك
هات اللى تقدر تفتح معاك البيت و متبقاش مغروره و عندها كبر فتتكبر تقول عايزة دة واشمعنا دي اللي بتفرح باقل حاجة مش اللي تجبلها خاتم دهب وتكون زعلانة لا اللي تجبلها علبة تونة في عيد ميلادها وتطير من الفرحة معاك 😂😂

هات اللى تبنى معاك حياة و مرة عليك و مره عليها و تمشوا الدنيا
اتجوز و حب اللى عارف لو طلبت منها المستحيل تعمله و هى بتبستم ليك عشان ترضى و دى تشلها فوق راسك و تحطها ف عنيك و متزعلهاش ابدا لا بكلمة وتحاول تفرحها بكل قدرتك .

اختار صح و فكر مره و اتنين و مليون ولو لقتها اياك تفرط فيها و اتعب معاها و هتتعب معاك لحد ما تبقوا لبعض بس بعد كده يا سعدك بنعمة ربنا عليك “ امرأة فاضلة من يجدها لأن ثمنها يفوق اللآلئ” (الأمثال 31 : 10)