زوادة اليوم: سلام المسيح
بيخبرو عن منطقة كانت فيا انتخابات البلدية قوية كتير و فرقت عا كم صوت. نهار الأحد كانو كل الناس بالقداس شوي بيصير وقت السلام. تنين قاعدين
حد بعضن كانو ضد بعض بالبلدية بس اجا السلام بيقوم الزلمي ما بيعطيه للرجال اللي حدو!! معقول يوصل الحقد هلقد و كرمال شو؟ منصب و كرسي ما بيفيدو بشي... ليش شو عاملك الزلمي حتى يعميك الشر هيك...بعدين شو نفع تروح تقدس و انت بهالنفسية اصلا انت ما بتستحي تفوت عا بيت ربنا و تتصرف هيك؟! ما فكرت للحظة انو يسوع شايفك و قديش بيكون زعل منك... عا كل حال دعوتنا الكن اليوم تتصالحو مع حالكن قبل ما تتصالحو مع اللي حولكن و تسامحو و تحبو و تتقبلو الكل مهما اختلفنا معن بالرأي بالنهاية كل انسان حر برأيو طالما ما عم يتعدى عا حرية غيرو...اذا مش قادرين تتخلصو من احقادكن عالقليلة تركوها برا ما تفوتوها معكن عالكنيسة مطرحها مش هونيك ابدا و الله معكن

[IMG]2888tww.jpg:[/IMG]