منتدى الفرح المسيحى - الحب الغير محرر

عندى شوية ملحوظات كده على الرواية ديه وعارف انها الرواية المفضلة لأغلب الناس :
* الرواية كخيال حلوة لكن كتطبيق واقعى مضللة جدا
* مايكل لو شخص فى ايامنا وراح قال لبنت ان ربنا قاللى هاتجوزك البنت هاتفتكره واحد مجنون مش اكتر
* ربنا اصلا مش شغال خاطبة .. الجواز ده اختيارك وهو بيبارك وبيكمل الطريق معاكم
* من وجهة نظرى قصة هوشع الأصلية اللى الرواية مقتبسة الفكرة منه .. هى قصة رمزية وهوشع او مايكل ما هو إلا رمز لحب الله لينا رغم اننا زناة روحيا وبنرفضه
* مايكل انسان خيالى غير موجود على أرض الواقع ومش المفروض يكون موجود لانه رمز لواحد بس يقدر يعمل كده ويقدم بلا حدود وهو الله نفسه
* فيه بنات متخيلين انهم مايستحقوش حب غير من واحد يكون معاهم زى مايكل وديه حالة خيالية وإتكالية مريضة
* الحب الغير مشروط هانشوفه فى الناس بنسب لكن الحب الحقيقى فى حضن الله وحده وهو القادر على سد إحتياجنا الغير محدود للقبول والحب والأمان والسلام
* تانى مرة الله مش شغال خاطبة ومش بيشاور لحد ويقوله ده جوزك او ديه مراتك