منتدى الفرح المسيحى - خلي بالك من قلبك

https://files.arabchurch.com/upload/i...6095146299.jpg

اتعلمنا من صغرنا نخلي بالنا من صحتنا، لكن في حاجات مهمة تانية ماتعلمنهاش!

من وأحنا صغيرين بيعلمونا اننا لازم نغسل إيدينا بالمياة والصابون كويس قبل الأكل وبعده، وأي طفل لازم نعلمه ده كويس اوووي،علشان يكون طفل نظيف أولاً، ويحافظ على صحته ثانياً.

الكتبة والفرسين شافوا أن التلاميذ مهملين في نضافتهم وقالو للسيد المسيح «لِمَاذَا يَتَعَدَّى تَلَامِيذُكَ تَقْلِيدَ ٱلشُّيُوخِ، فَإِنَّهُمْ لَا يَغْسِلُونَ أَيْدِيَهُمْ حِينَمَا يَأْكُلُونَ خُبْزًا؟».(مَتَّى ١٥: ٢) ،طبعًا هما كانوا شايفين أن عدم غسيل الأيدي بينجس الإنسان زي ما كلنا بنقرف من اللي مش بيغسل أيده قبل الأكل، لكن رد السيد المسيح بعد ما رد عليهم وقالهم انتوا مهتمين بوصايا الشيوخ أكثر من وصايا الله بسبب تقليدكم، مابقتوش عارفين تفرقوا ما بين روح الوصية والتزمت وبعد كده قال للتلاميذ “لَيْسَ مَا يَدْخُلُ ٱلْفَمَ يُنَجِّسُ ٱلْإِنْسَانَ، بَلْ مَا يَخْرُجُ مِنَ ٱلْفَمِ هَذَا يُنَجِّسُ ٱلْإِنْسَانَ”.(مَتَّى ١٥: ١١)

خلي بالك من قلبك

المسيح كان شايف اللي بينجس الإنسان مش الأكل والإيد مش مغسولة ، لكن اللي بينجس الإنسان قلبه من جوه، الأفكار اللي بتخرج على هيئة كلام وأفعال، فلو فعلاً هنلوم ونعاتب حد على حاجة فبالأولى نلوم نفسنا على كل فكرة شريرة بتطلع من جوانا على قلوبنا اللي مش نضيفة من ناحية الله والناس، قبل ما تبص على غيرك، ركز كويس في اللي انت بتعمله، أخرج أولا الخشبة التي في عينيك وحينئذ تبصر جيداً أن تخرج القذى من عين أخيك