منتدى الفرح المسيحى

https://upload.chjoy.com/uploads/1498236916981.jpg

هتفضل فاكر انك تمام وان الدنيا جميلة وانك مش محتاج حاجة ،،
لحد ما ييجى موقف يهزك ،، ويعيد ترتيب كل حاجة جواك ،،
هتلاقي انك ضعيف ،،
أن حياتك بكل اللى بيحصل فيها ده ترتيب من ربنا ،،
انه شايل عنك كتير ،، وانك مش شايف ده ،،

هتكتشف أنه هو اللى اقرب حد ليك ،، لا صديق ولا قريب ،،
هتحب تتكلم معاه وتتكلم كتير ،، هتحس انكم كنتم أصحاب من بدرى بس انت كنت مطنش ،،
هتلاقي نفسك بتتكلم براحة معاه ،، وهتتطلع مبسوط من مخدعك ،،
هتستنى تروح تحكيله من تانى وكل مرة في حاجه جديده ومختلفه ،، فى تعزية ،، وفي بركه وقوة ومعونه ،،

هتسال نفسك انا بعدت ليه كل ده ،، انا كنت سايب الراحه دى كلها وعايش في ضلمتى ،،
لحد ما كل حاجه تتظبط معاك ،،
تقوم ترجع تانى لحياتك القديمه ،،
تبعد عنه وتنساه وتبعد بعيد ،،
يستناك ،، يستنى تانى ،، بس انت مبتفتكرش ،،

لحد ما ييجى موقف يهزك مرة تانيه أو مشكله تفوقك ،،
تقوم ترجعله لأنك اختبرته ،،
ولولا المتاعب والتجارب مكناش قربنا من ربنا بارادتنا ،،
بس هو عارف هيجيبك ليه ازاى ،،
مش هييأس منك ،،
"لأَنَّ الَّذِي يُحِبُّهُ الرَّبُّ يُؤَدِّبُهُ، وَكَأَبٍ بِابْنٍ يُسَرُّ بِهِ."

لمسات_مفرحة