منتدى الفرح المسيحى

https://files.arabchurch.com/upload/i...6721002240.jpg

هل جربت في يوم تحكي معاه كأنه حبيبك أو صاحبك
شعورك هيكون أيه لو قالك أنا زعلان منك بقالك سنين مش بتكلمني؟
جربت تصحى من النوم تقوله صباح الخير يا حبيبي
هتعمل أيه لو لاقيته بيضحك لك و يقولك كله دا نوم إصحى وكلمني؟
جربت بعد مشغولياتك طول اليوم تقعد معاه كده بالليل تقوله وحشتني
وما شعورك لو قالك أنت إللي وحشني يا حبيب قلبي؟
جربت تقوله أسرارك وتقله ساعدنى مش عارف أقولها لحد غيرك
وهتعمل أيه لو قالك أنا كاتم سرك ومرشدك لا تبعد عنى؟
جربت تقوله عارف الحاجة الفلانية أنا نفسي فيها
وفرحتك هتكون أيه لو قالك هاعملك زيها وأحسن منها؟
جربت تسمعه يقولك هعمل بيك أمور عظيمة تقوله عارف يا حبيبي ومصدقك
جربت تعيش بالإيمان وتؤمن بوعوده اللي لسه مشوفتهاش
هتعمل أيه لما تشفها بتتحقق قدامك؟
جربت لما تصلي وتقوله الفقراء والمساكين يا يسوع
فرحتك هتكون أد أيه لما يقولك هتوصيني على ولادي أنا واخد بالي منهم
جربت تحس بيه طول اليوم ^ جربت يبقى هو 24 ساعه ف تفكيرك تكلمه ويرد عليك
جربت تقوله أنا خارج شوية يقولك خلي بالك من نفسك ولو احتجت حاجة كلمني
جرب مرة وقلنا شعورك كان أيه