منتدى الفرح المسيحى - اتجوزى شاب اتكحرت فى الجيش

https://files.arabchurch.com/upload/i...8845056709.jpg

عارفه ليه لازم تتجوزى شاب اتكحرت فى الجيش؟ 😂😂😂
1 - لو مبتعرفيش تطبخى ,, فهو واخد على أكل عسكرى الميس و ما أدراكى بطبيخ العسكرى ^_^ بتاع عم محمود وهوه ربنا يتوب علينا☺😊
2 - لو على غسيل المواعين ,, فهو ليه يوم بيغسل فيه سرافيس المنطقة كلها و هو و حظه فى عدد العساكر :'(
3 - لو إنتى معفنة شوية ,, فهو بياكل الأكل و عارف إنه مش نضيف و بيشرب الماية و هو شايف اللى بيمشى فيها ,, الحاجات دى مش بتضره , دى بتبنى جدار معدته الخرصانى :D ( و يا سلام لو واخد فرقة صاعقة )
4 - لو أمك حمى قرشانة فهو يقدر يستحملها و يعمل من بنها ,, أصله اتعود يكبر دماغه :\
5 - لو بتحبى الرخامة ,, فهو عامل فيها دكتوراة فى الجيش -_-
6 - لو قرايبك عالم خنيقة فهو استحمل عِشرة أشكال متشوفيهاش غير فى أفلام الأبيض و أسود
7 - لو اتجوز عليكى ,, فهو بيحترم الأقدمية ,, يعنى ليكى الحق تكدرى دُرتك و ترقديها و تزحفيها و تاخديها طابور ثبات 45 دقيقة لو تحبى :D
8 - لو عايزة تخسى , فهو يقدر ياخدك طابور لياقة ع الصبح .. جرى و ضغط و بطن و عقلة إلخ... :v
9 - لو خايفة و عايزاه يحميكى فهو بيقف ما لا يقل عن 8 ساعات خدمة فى اليوم
10 - لو عيالك طلعوا قرود و مبيبطلوش دوشة ,, فهو بينام و جنب ودانه عسكرى كل شوية بيجعر و يقول
"4 تـــمـــــــــــــــــــــــــــــــــام" >_<
11 - لو إنتى نكدية و مش بتحبى تخرجى ,, فهو عادى ممكن يقعد بالـ 30/40 يوم بدون أجازة أصلا ,, أما لو بتحبى الخروجات بقى ,, فهو أيام أجازته بيخربها خروجات (ربنا يسامحنى ع الكدبة دى)
12 - لو بتحبى الرومانسية <3 ,, فهو كل يوم بيقعد بالساعات يتأمل فى القمر و بيظقطط لما بيكون بدر (علشان يشوف حواليه بدون كشاف) ,, و بيتابع الشمس فى لحظات شروقها و غروبها, ده غير أغانى أم كلثوم اللى بيجيله طولة بال يشغلها كاملة و يخلص واحدة يخش ع التانية
13 - لو إنتى و عيالك سوسة و بتخربوا الحاجة ,, فهو اتعود إنه لازم يتصرف و يصلح ,, إزاى دى إلهام بينزل عليه علشان ربنا عالم بحاله ^_^
14 - لو عايزة تدلعى و تقولى مش قادرة أغسل الهدوم ,, فهو بيغسل غسيل زى الفل و بينشره بدون مشابك ^_^ ;)
15 - لو إنتى معفنة و مش عايزة تنضفى الشقة ,, فهو بيعمل كل يوم قطاع نضافة محترم !!
16 - لو سيادتك بتتفرجى على مسلسلات كورى كتير و حابة تصحيه من النوم الساعة 3 الفجر علشان ينزل يجيبلك "نوتيلا" اللى أبوكى كان فاكرها من " دهانات سايبس "؛ فهو اتعود إنه يصحى من أحلى نومة علشان يطلع يقف خدمة 3:
17 - لو قالبة بوزك فهو أكتر حد يقدر يضحك فى عز الكحرتة
18 - لو بتحبى تتمشى كتير فى المول أو ع الكورنيش ,, فهو بيادته اشتكت من كتر المشى
19 - لو إنتى فافى و دقنه بتشوكك؛ فهو بيسفلتها يوميــا ,, أما لو حباه يربى دقنه فهو أثلان بيكره ماكينة الحلاقة
19 - لو بتخافى من الفئران و الكلاب :o فتقدرى تتحامى فيه علشان دول أعز أصدقاءه فى مرحلة التجنيد :D
😂😂😂 (((((( عرفتى ليه لازم تتجوزى شاب دخل الجيش ;) ))))) 😂😂😂
#منقول
واللي يقول ده كله مبيحصلش يبقي مدخلش جيش وخصوصا فرقه الصاعقه 😂😂