منتدى الفرح المسيحى - امتى نجيلك ونرتاح يارب

ادم وهو على الارض كان رافع عينه للسما ولسان حاله بيقول زمانى كنت عايش فوق ومرتاح وفحضنه
وفجاءه فاق من خياله على صوت صراخ حوا بتقول هابيل مات
رفع عينه ادم للسما وقال كفايا يارب سامحنى ارجوك كفايا انا مكانى مش هنا رجعي تاني ليك انا غلطان.رجعني لوطن الحب
نزلت دمعه من عين الرب على قلب ادم وقالتله هارجعك تانى ماتخافش لانى هابعتلك كلمتي هاجي بنفسي لاني بحبك
وعدت الايام والسنين وجه الرب يسوع خلص البشر ومات ونزل للجحيم وقام وصعد لكن وهو صاعد كانت عيون التلاميذ شبه عيون ادم عين مستنيه ترتاح وتطلع للمكان اللى مافيهوش لا حزن ولا كابه ولا تنهد
لكن سمعوا الصوت بيقولهم استنوا هو جى تانى روحوا استنوا المعزى روح الحق
وفجاءه جه روح الحق . قواهم. عزاهم. ملاهم
لكن عيونهم فضلت مرفوعه للسما بتقول امتى نجيلك ونرتاح يارب

القس جوناثان رفعت