منتدى الفرح المسيحى - اغرب سبب خلى ابنك يعيط

https://files.arabchurch.com/upload/i...3285313691.jpg

سألوا أمهات عن أغرب سبب أولادهم عيطوا علشانه و دي كانت الأجابات😃

1- بنتي عيطت علشان شديت السيفون قبل ما تشوف الي هي عملته
2- بنتي منهارة من الصبح علشان عمرها ما شافت ديناصور...لما فهمتها انه انقرض عيطتت أكتر
3- بنتي اعدت تعيط يوم كامل علشان جزمة العروسة بتاعتها مش راضية تدخل في رجلها
4- كل ما ابني يشوف صورة قديمة يعيط انا ليه مأخدتوش معايا..الي هي صوري من ايام المدرسة حتي
5- ابني اعد يعيط علشان عايز يطير و مش عارف
6- ان اليوم خلص و لما اقوله يوم التلات هيجي تاني الاسبوع الي جي يعيط و يصمم انه عايز التلات ده
7- ابني نفسه يشوف اعصار و بيعيط علشانه
8- بنتي عيطت علشان عايزة تشيلني و مش عارفة
9- ابني اعد يعيط ساعة علشان قصينا ظوافره و عايز يركبها تاني
10- ابني اعد يعيط كتير جداً علشان عايز الهلال الي في السما لانه مقتنع انه موزة
11- علشان لسة متمتش ست سنين
12- ابني بعيط علشان هو مش فيل و معندوش زلومة
13- ابني بعيط علشان شاف صورة فرحي و مضايق ليه انا و باباه سبناه و مجاش معانا
14- انا بنتي اخوها عضها فضلت تعيط ان مكان العضة راح لان شكل الساعة كان عاجبها
15- علشان نفسه ياخد الملاهي معانا البيت
16- بنتي بتعيط علشان ببص ليها
17- ابني بعيط لما بيتاوب
18- بنتي انهارت من العياط علشان بوستر ابله فهيتا اتشال من المحور
19- ينتي بتعيط لو دبانة عدت من قدامها
20- علشان الشمس طفت و بليل جه و عيزاني اشغلها تاني
21- ابني عياط هيستيري علشان عايز يلبس التيشرت من تحت و يلبس البنطلون في دماغه
22- عنده ٥ سنين و شاف صورته و هو بيشرب ببرونة فأفتكر انه رضعته صناعي و كدة معندوش مناعة و ممكن يموت
23- ابني اعد يعيط ساعتين علشان طلعتله حسنة
24- علشان قتلنا برص كان داخل الشقة و اعد يقولنا حرام عليكوا كنت هاخدوا يعيش معايا في الأوضة
25- بنتي بتعيط لما بنشغل مساحات العربية
26- علشان مش عارفة افتح العربية بقلم الألوان بدل المفتاح
27- علشان اديت المكوجي لبس باباه
28- بنتي عيطت لما اكتشفت رمضان الي جي ده شهر مش راجل
29- ابني فضل يعيط علشان انا مش لابسة الشبشب و انا نايمة علي السرير
30- بنتي بتعيط علشان عايزة تستحمي بمية ناشفة
31- ابني لما باخد من منديل علشان انف..و بنتي عايزة تروح السما تتفرج عليها
32- ابني بعيط كل لما بنشر الغسيل علشان الكلب هيطلع ياكله
33- ابني بعيط علشان كل المدرسة لابسين زيه مش فاهم ان ده يونيفورم
34- علشان شيلت البيضة من تحتها قبل ما تعد عليها...كدة البيضة مش هتفقس و تطلع كتكوت
35- كل ما يشوف صورة لباباه ينهار من العياط و يروحله يقوله انت اهو
36-بيعيط من صوت الخلاط
37- ان السمكة هتطلع من حوض السمك و تاكلها
38- عياط هيستيري علشان عايز يعمل pause لفيلم شغال علي mbc
39- لما اتعلم عن الجنة...عايز يموت و يروحلها حالاً
40- ابني عيط لما عرف انه كان بياكل جوا بطني..قضل يعيط و يقولي اسف اني وجعتك
41- ابني بعيط كل ما يشوفني انا و باباه قاعدين جنب بعض
42- علشان شافت الجاكت بتاعها في الغسالة
43- ابني بعيط علشان معندوش شعر في صدره زي باباه
44- بنتي بتعيط علشان عايزة تنين بيطلع نار .

>>> عندك أسباب تحبي تضيفيها 😂