منتدى الفرح المسيحى - الله بيجدد المشاعر

مفيش علاقة مهما كانت مُتعبة أو مُرهقة هاتقدر تخلّص على مشاعرك.. ولا في تجربة مهما كانت هاتقدر تمنعك من انك تحب أو تستقبل حُب قدام. لأنه ببساطة المشاعر مابتخلصش.. المشاعر مش متحوشة في "جردل" زي ما بيقولوا ومع كل علاقة "بندلدق" منها شوية لحد ما ييجي وقت نلاقيها خلصت.
المشاعر والحُب طاقة مابتخلصش وبتفضل تتجدد طول العُمر.. الله نفسه هو مصدرها واللي بيجددها يومياً.
فا مهما كنت مجروح أو طالع من علاقة جايباك على الأرض.. مهما كنت متخيل انك مش هاتقدر تدي أو تستقبل حُب تاني، ارجوك راجع افكارك دي. وارجع اقف قدام الله وهو هايجبر قلبك المكسور ويجدد مشاعرك من تاني.