منتدى الفرح المسيحى - حول كل فكر الى صلاة

عندما يأتيك الفكر بالهم والقلق، حوله إلى صلاة، بدل من أن تقول
عندي امـــتحاااان! مادة صعععــــــبة والواحد مش فاااااكر حاجة”
وحتى لو مذاكر شوية تنساهم. قول هكذا
“يا رب أأقف معايا في الامتحان، يا رب ساعدني يا رب مد أيدك قبل أيدي، أعطنى حكمة وفهم وسلام”.
بدل من أن نشتكى من الغلاء، ومشاكل الشغل والشقة والمستقبل، وفقط ضغطنا يزيد وييجلنا السكر بدري، والمشاكل زي ماهية. وزى ما بيقولوا
“بيحط همه في نفسه” أو “بيحط همه في بطنه”
فالهم لو وقف عند القلب يجيب الضغط، لو في المعدة يجيب قرحة، لو في البنكرياس يجيب سكر، ولو في الأمعاء يجيب القولون العصبي، ولو طلع للمخ يجيب جلطة وشلل. وبدل من كل الأمراض والأتعاب، أحسن لينا نقول” يارب بأسلمك حياتنا ومستقبل العيال ومشاكلى مع المدير. ماتسبناش يارب إحنا ولادك طب نروح لمين أنت أبونا وتقدر تحل كل المشاكل” فحول القلق إلى صلاة، وتأكد إنك عندما تصلي الله يسمعك، فهو يحبك جدا فأنت أبنه.#السلام_الداخلي