منتدى الفرح المسيحى - قم هوذا يناديك

https://upload.chjoy.com/uploads/1496750251211.jpg

كل ما الخطيه تزيد. كل ما سعرها بيغلي. لحد مايجي وقت ماقدرش علي سعرها.. فارخص نفسي علشان اشتريها وبردو معرفش. فتعيشني مزلول. مكسور..عطشان.. اعمل اي حاجه علشان اشتريها..فاتلاقيتي بقيت مديون. مفلس.. هربان لاني مش عارف اسدد تمن اللي اشتريته.. مكتئب.. فاقد امل الرجوع.. وسط كل ده في صوت هادي بيقولي.تاعب نفسك ليه تعالي لحضني. بس من الهموم اللي بسبب الخطيه بطنش الصوت. والخطيه علشان زلاني تبداء تخوفني وتقولي ه (هاعريك.هافضحك..وتقولك كمان هاتقوم لمين وتبداء صوت ضحكها يعلي وتبدا تسمعني كل وحاشتي ونجاستي وفشلي وضعفي) فابداء ارجع زي ماقال بطرس الرسول وفي سفر الامثال ارجع زي الكلب في رسالة بطرس الثانية الأصحاح 2 اية 22 قَدْ أَصَابَهُمْ مَا فِي الْمَثَلِ الصَّادِقِ:«كَلْبٌ قَدْ عَادَ إِلَىي قَيْئِهِ»وارجع زي الكلب المربوط واقول استحاله اعرف ارجع واقول هو ده طبعي واقول انا عملت حاجات ابشع من ان ربنا يقبلني. انا زاني.. وقاتل..سارق.كداب..خايف.انا فعلا كلب زي ما قال بطرس الرسول..لكن ربنا يقولي انت ابن ومحبوب. فاتلاقي الخطيه تقولي مانت سمعت الكلمتين دول قبل كده ورجعتلي تاني.. فاتلاقي ربنا يقولي. قم انا بناديك. انا مستنيك. تعالي بالنجاسه والضعف. مش هاطلب منك حاجه غير انك تصدق فيا وساعتها هاتبقي حر..
احنا قدمنا طريقين يا شباب (الموت والحياه).فاختار الحياه لكي تحيا. عارف انها صعبه والخطيه كسرتنا بس هو شافي منكسري القلوب..تعالوا نبتدي من تاني مش مهم اللي فات المهم اللي جي..قم هوذا يناديك