منتدى الفرح المسيحى - يا تري فهمتوا المقصود

https://upload.chjoy.com/uploads/1496528915631.jpg

شايفين الصوره دي ؟
يا تري لو قربوا من بعض ايه اللي حيحصل ؟
حيموتوا منفجرين صح ؟!!
الصوره دي ملخص لأغلب مشاكل الست و الراجل طب ازاي؟
الست بتفضل شايله كل اللي مضايقها من الراجل جواها و مش بتتكلم بصراحة و تفضل كتمه و مستحمله و كل مدي بيذيد الهم جواها و الغضب و الحزن ( زي الصواريخ اللي في الكيس دي)
و الراجل بيبقي حاسس ان في حاجة غلط بس طالما هي ساكته خير و بركه يقرف نفسه ليه و يسأل و يفتح علي نفسه فتوحة و يسمع كلام يحسسه انه غلطان و مقصر لا يسكت و يتمادي في اللي بيعمله لانه مش شايف اي رد فعل و حتي لو شاف مخة حيبررله ده انها ست نكديه غاويه غم و بالعكس بيفضل الراجل في وضع تحفز و مستعد للهجوم و افتراس الست لو فتحت بقها ( اللي هو الشعله)
طيب ايه اللي بيحصل اول ما يصطدموا ببعض من غير ما كل واحد يسيب اللي في اديه و يبعده اللي حيحصل انفجار يدمرهم هما الاتنين .
لو كان كل واحد قعد و نزل اللي شايله يعني اتكلم فيه بهدوء و شرح سبب زعله و حاولوا يوصلوا لحل مكانوش انفجروا الاتنين و لا ولعوا.

يا تري فهمتوا المقصود ؟!!!