منتدى الفرح المسيحى - ابنك ممكن يكون فى يوم شهيد

: يا كل أب وكل أم ...
الأيام إللي إحنا فيها أيام صعبة ...
وكل يوم عن يوم بنشوف الإضطهاد بيقرب وبيزيد ...
مش مهم أبداً تأمن مستقبل أرضي لولادك ...
المهم مستقبلهم السماوي مع المسيح والقديسين في السما ...
ربوا عيالكم على حب المسيح من وهما لسه بيرضعوا ...
علشان لما يخيروهم بينه وبين الموت مايفكروش أصلاً ...
ولما يكون السيف على رقبتهم حبه يخليهم مايتوجعوش ...
ولما البنادق تكون فوق رأسهم مايخفوش ولا يتهزوا ...
خلوا كلمة ( المسيح ) دايماً في ودانهم وقدام عينيهم ...
وخلوا حب المسيح مزروع جوه قلوبهم مايطلعش أبداً ...
بإختصار : خلوا حياتهم كلها ( المسيح ) ...
في كلامكم معاهم ...
ساعة أكلهم وشربهم ونومهم ...
في دراستهم ومذاكرتهم وإمتحاناتهم ...
حتى التلفزيون والنت والموبايل تقربهم للمسيح ...
إزرعوهم في القداس والكنيسة زرع ...
يعني القداس والتناول لازم لازم لازم ...
لازم يأكلوا المسيح ويتحدوا بيه إتحاد ...
مدارس الأحد والمهرجان والكشافة ...
كل دي حاجات حلوة تقربهم من ربنا ...
إحكوا ليهم عن أجدادهم الأبطال القديسين ...
وإزاي كانوا بيتقطعوا ويتحرقوا ويتنشروا علشان المسيح ...
إزاي كانوا بيشوفوا المسيح في الإضطهاد والعذاب ...
علموهم مايتكسفوش يقولوا ( إحنا مسيحيين ) ...
ولما يتسألوا : مين هو المسيح ؟! يردوا بشجاعة : ( هو الله ) ...
بلاش تعلموهم إن ( الدين في القلب ) وبس ...
علموهم إن :
( من ينكرني قدام الناس أنكره قدام ملائكة أبي الذي في السموات ) ...
محدش عارف الدور على مين فينا ؟!
#لازم_تفهم_إن_الإستشهاد_مستمر
#ابنك_ممكن_يكون_في_يوم_شهيد