|
شهداء الصدفه
شهداء الصدفة الجمله دي سمعتها اكتر من مرة وكان لازم اكتب وجهة نظري فيها والنوع ده يندرج تحت منه كل الشهداء اللي استشهدوا نتيجة قنابل ( القديسين ) او سلاح ( نجح حمادي ، كهنة العريش ) او احزمة ناسفه ( البطرسيه ، طنطا، المرقسية ) ، او طلق ناري ( دير الانبا صموئيل ) وغيرهم كتير من الحوادث ، وهما خارجين من الكنايس او وهم جواها ماعدا #شهداء_ليبيا طبعاً ، دول حدوته تانيه سرحت حبه وقولت يعني ايه شهيد صدفه !! يعني هل لو الزمن رجع بيه لورا مكنش نزل وراح الكنيسة !! او مكنش ركب اتوبيس رحلته للدير ! لقيت الاجابه جوايا بتقول " كانوا نزلوا وراحوا برده عادي جدا " هتقولي ايه دليلك على كده هقولك انك عايش وجواك احساس انك ربما يحصلك اللي حصلهم ومازلت مكمل في ايمانك ومش خايف الموت ، واللي يحصل يحصل وهما كمان كذلك بتوع الانبا صموئيل سمعوا عن المرقسية والمرقسية سمعوا عن طنطا ، وطنطا سمعوا عن البطرسية والبطرسية سمعت عن القديسين والقديسين سمعوا عن نجع حمادي ، وهكذا وفضل كل واحد مكمل بايمانه وعقيدته وهو عارف انه ممكن يموت بسببها يبقي ماينفعش نقول عليهم #شهداء_صدفة دول شهداء مؤمنين استشهدوا حباً في عقيدتهم |
رد: شهداء الصدفه
يبقي ماينفعش نقول عليهم #شهداء_صدفة
دول شهداء مؤمنين استشهدوا حباً في عقيدتهم |
رد: شهداء الصدفه
موضوع رائع جدااااا
ربنا يبارك خدمتك |
رد: شهداء الصدفه
طوبي لمن اخترته وقبلته يارب ليسكن في ديارك إلي الأبد-مزمور 65-4 لقد آمن كثيرون بسبب آلام الشهداء وموتهم ، بما صاحب استشهادهم من معجزات ، وما أظهروه من ثبات واحتمال وصبر وليس من المبالغة في شئ إن قلنا أن الإيمان المسيحي انتشر في العالم كله باستشهاد القديسين ، أكثر مما انتشر بوعظ المبشرين وتعليمهم ... فدماء الشهداء روت بذار الإيمان فنما الإيمان وأتى بثمار كثيرة لحساب ملكوت الله . http://i74.servimg.com/u/f74/14/84/56/77/photo_12.jpg |
رد: شهداء الصدفه
ميرسى كتير على مروركم الغالى ;) |
| الساعة الآن 03:54 PM |
Powered by vBulletin® Copyright ©2000 - 2025