|
كلنا بنشوف بعض زي ما احنا عاوزين
https://upload.chjoy.com/uploads/1495358861721.jpg كلنا بنشوف بعض زي ما احنا عاوزين نشوف بعض... يعني مثلا في ناس شايفاك أرخم خلق الله و ناس شايفاك ألذ خلقه... ناس شايفاك ندل و ناس شايفاك جدع... ناس مستأمناك على سرها و ناس بتخاونك على طول الخط...ناس شايفة سكوتك ضعف و ناس شايفاه قوة و عقل... ناس شايفاك تستحق النجاح و ناس مهما نجحت شايفاك فاشل... ناس شايفاك صايع و شمال و ناس واخداك قدوه ...ناس شايفاك شرير و مؤذي و ناس شايفاك طيب و غلبان... ناس شايفاك أبو الكرم و ناس شايفاك بخيل و برشوط... صحاب بيشيلوا معاك الطين و صحاب بيشيلوك الطين... صحاب ماحدش يقدر يفتح بقه عليك قدامهم و صحاب فاتحين بقهم عليك مع اي حد... صحاب مش هايخرجوا غير معاك و صحاب هاتعرف تحركاتهم بالصدفة...صحاب بتحبك عشان المصلحة و صحاب بتحبك عشان بتحبك... صحاب بيجروا عليك و صحاب بيجروا منك... و غيرهم و غيرهم كتير.... و هانفضل على طول كده لان ببساطة ماحدش هايشوف حد غير بعينيه هو و من وجهة نظره هو 😊 فا ماتشغلش بالك بحد ولا يفرقلك مين شايفك ايه او مين بيعمل معاك ايه... ببساطة خليك زي ما انت و عيش حياتك زي ما انت عايز لان عمر ماحد عاش و كل الناس راضية عنه او كويسة معاه😊😊 |
رد: كلنا بنشوف بعض زي ما احنا عاوزين
كلنا بنشوف بعض زي ما احنا عاوزين نشوف بعض
ميرسى ربنا يبارك تعب محبتك |
رد: كلنا بنشوف بعض زي ما احنا عاوزين
ببساطة خليك زي ما انت و عيش حياتك زي ما انت عايز لان عمر ماحد عاش و كل الناس راضية عنه او كويسة معاه���� رووووووووووعة حببتي ربنا يفرح قلبك |
رد: كلنا بنشوف بعض زي ما احنا عاوزين
ميرسى كتير على مروركم الغالى ;) |
| الساعة الآن 05:00 PM |
Powered by vBulletin® Copyright ©2000 - 2025