منتدى الفرح المسيحى - من احد كفار مصر الى الشيخ سالم عبد الجليل أنهي رب طلب منك تحكم على الناس

من احد كفار مصر الى الشيخ سالم عبد الجليل أنهي رب طلب منك تحكم على الناس معاه أنهي رب قالك إن غيرك عبد و إنت مولاه

https://www.christian-dogma.com/im0ph...=260&q=50&.jpg

أنهي رب !!

لما تاخدك الجلاله و تقول عليا " كافر "
أنهي رب قولي يحبك و ليك يكون غافر
أنهي رب عايزك تدافع عنه كده و تعافر
و تدين و تكفر بمزاجك " إنت عيان !! "
هو إنت ليه قلقان و خايف و جبان
ماتسيب الدين للي خلقك " للديان "

أنهي رب مستني " تعدله " إنت الكون
أنهي رب مستني إنت تقول كن فيكون
و لو إنت عقلك تعبان الله يكون في العون
و لا إنت حي على الجهاد و لا إنت مين
طب ما تجاهد في القدس و لا فلسطين
و إبعد عن مصر دي محروسه ليوم الدين

هو إنت إللي تعرفه عن الدين إنك " إله "
أنهي رب طلب منك تحكم على الناس معاه
أنهي رب قالك إن غيرك عبد و إنت " مولاه "
و إنت بالتكفير و الخناق هتنشر سماحة الدين !
إللي هيصدق كلامك " حمير " مش بني أدمين
عشان الدين في القلب و الصلاه و في دمع العين

عايز أقولك بس حاجه إن " ربنا رب قلوب "
ربنا إللي أعرفه كويس بيتمنى الخاطي يتوب
و بيصبر على كل واحد حتى لو مليان عيوب
مافيش رب رحمته هتكون لناس و ناس " لأ "
مافيش رب محبته هتكون بالضرب و " الزقه "
أنهي رب يدخل إللي زيك بيته و هو مليان رقه

ياريت تكون الرساله وصلت

أحد كفار مصر
نشأت نصر
https://www.christian-dogma.com/im0ph...=460&q=50&.jpg