منتدى الفرح المسيحى - رسالة الى كل خاطى : انت برنس يا بني

رسالة الى كل خاطى : انت برنس يا بني
(معتاد الخطية يعنى مش لسة محدث خطية)
أنت برنس يابنى ... هذه حقيقة ... لييييييه ؟
1 - لأن من كتر حبك للخطية ولأنها مكلبشة فيك
فأنت من أكتر الناس المؤهلة أنك تكلبش فى المسيح (أنت بتحب الكلبشة ... بس مكلبش فى حاجة غلط)
2 - بينك وبين الخطية عشرة بقالك سنين مستمر فيها...
فاواضح جدا أن علاقتك بالخطية تمتاز بالجدية والالتزام ... مما يؤهلك بشدة الى علاقة مع المسيح تمتاز بالجدية والالتزام ( متصدقش ابليس اللى بيقولك أنت مش ملتزم ... قوله دا أنا ملتزم بالخطية ... انت بس محتاج تلتزم مع حاجة تستاهل )
3 - طبعا الناس بتقولك أنك معندكش ارادة (غلابة مش فاهمين حاجة - أنا فاهمك - انا خاطى قديم) أنت ارادتك من حديد .. لو الناس عرفت أنت بتعمل إيه علشان تعمل الخطية ... كانوا قالو ارادتك حديدية !
ولو أنت استخدمت نص ارادتك ديه مع المسيح ... شوف أنت بقى.
4 - وأجمل حاجة فى الموضوع ... أن حضرتك تخصص المسيح (لأن ابن الانسان جاء لكى يطلب ويخلص ما قد هلك) المسيح شغله الشاغل انت.
5 - طبعا حضرتك بتبص لنفسك أنك خاطى و كذا و كذا ، والناس بتبصلك زى ما أنت بتبص لنفسك ... وابليس طبعا بيزيط ... عايز جنازة ويشبع فيها لطم (عايز يموتك) ... لكن أنت حلو وجميل وكلك مميزات ... والمسيح بيشوفك ابنه الغالى.
" ولكن حيث كثرت الخطية ازدادت النعمة جدا، حتى كما ملكت الخطية في الموت، هكذا تملك النعمة بالبر، للحياة الأبدية، بيسوع المسيح ربنا " رومية 5 : 2 - 21.
Abuona Ghatas