منتدى الفرح المسيحى - رسالة للرجالة

https://upload.chjoy.com/uploads/1493454753691.jpg

اقلق ,, وراجع نفسك
لما تلاقى شوية الحاجات دى بتحصل من مراتك !!!

اقلق ...
لما تبطل تعاتبك

اقلق ...
لما تقولك براحتك .. اللى انت شايفه ،

اقلق ...
لما تبطل تقولك بحبك ووحشتنى ..

اقلق ..
لما تبطل تتطلب منك حاجة و تعتمد على نفسها ..

أقلق ..
لما ترجع تلاقيها كلت ومستنتكش زى زمان ،،

أقلق ..
لما متسألكش انت هتتأخر النهاردة ولا لا

أقلق ..
لما تلاقيها مطفية ومش فارق معاها شكلها

أقلق ..
لما تبطل ترغى فى الصغيرة قبل الكبيرة

أقلق ..
لما تقولها تعالى نخرج تقولك .. لا معلش انا تعبانة

أقلق ..
لما تمسك نفسها ان دموعاها تنزل ادامك

أقلق ..
لما تبطل تغيير عليك .

عارف تقلق لية ؟؟
عشان كدة .. هى بتنسحب منك
عشان كدة هى موجوعة ووصلت ان الكلام مش هيجييب نتيجة وهتبقى خناقة على فاضى فسكتت !!
عشان هى مفتقداك .. ونفسها تحس من نفسك
عشان هى فضلت تبقى لوحدها ... احسن ما تزعل منك اكتر
عشان هى ممكن تكون واخدة قرار البعد بس مستنية الفرصة اللى تقولك .. انا مش هقدر أكمل

الحق أقلق ,, وراجع نفسك ... قبل ما تضيع من ايدك
ده لو انت راجل ويهمك امر مراتك وحابب تعيش معاها في سعاده