منتدى الفرح المسيحى

من واحنا أطفال بندور على الرضا والقبول في عيون أمهاتنا وأباءنا واللي للاسف الام والاب بيدهونلنا بشروط حتي وان لم يقصودوا كده وبالتالي بنتعلم نلبس وشوش عشان ناخد الحب والقبول ومع الوقت بتنطمس شخصياتنا الحقيقية وبنفضل نقدم اللي يرضي الناس والمجتمع فندخل كلية مش عايزنها ولا متوافقة مع قدراتنا ورغبتنا لمجرد انها ترضي الاهل او لانها في حكم المجتمع من كليات القمة وبنكمل المشوار حتي في الارتباط والجواز ممكن واحد يجوز واحدة مش بيحبها عشان هي بحكم العرف مناسبة وهى تتجوز واحد مش مقتنعة بيه عشان ترضي اللى حواليها او تتفشخر بيه وسط صحابها وهكذا وحتى تربية الأولاد بيربوا بالطريقة اللى يسقف لها لمجتمع والناس او الاهالى الكبار عشان ياخدوا قبول ورضا انهم اباء وامهات صالحين
الموضوع بيبدأ من الصغر ويستمر بحثا عن القبول والحب ونظرة الرضا اللي بتقترن دايما بافعال مشروطة والنتيجة أن البني ادم لابيكون مبسوط ولا بيعرف يكون نفسه
عندي رجاء اننا نتعلم القبول والحب الغير مشروط وخصوصا الاباء والامهات عشان نساعد بعض أن كل انسان يكون نفسه ويرجع لفطرته وحقيقته من غير وشوش ليرضي بيها اللي حواليه