منتدى الفرح المسيحى

الرب يسوع في تعاليمه قال كام حاجة مهمة تخص موضوع استجابة الصلاه وقال كمان بوضوح انه في حاجات لو عملناها هيعطل الاستجابة أولهم ان يكون في حياتنا خطية، تخيل كده انت لو مزعّل حد منك، ازاي ممكن تطلب منه حاجة ويسمعها!

والحاجة التانية اللي تعتبر بنفس الأهمية عدم الغفران، ده بالذات الرب يسوع قال عليه: مش بس مش هيسمعلك الصلاه، ده مش هيقدر يغفر خطيتك طالما انت ماسك ذلة او خطية على حد تاني!!

حاجة تالتة مهمة: الشــــك.. الله مش بيتعامل معانا على اننا عبيد بنطلب الحاجة بخوف وانكسار، الله بيقول انه ابونا واحنا أولاده، عمركم شوفتوا ولد بيطلب من باباه حاجة وهو عارف انه مش هيحققها أو بيطلبها بخوف؟! لازم يكون فيه ثقة بينك وبين الله وتصدق انه عايز كل حاجة تمشي كويس لخيرك انت..