منتدى الفرح المسيحى - ياريت نوسع أختيارتنا

ماهو لو محصلش كده يبقي كده
ماهو ياما اوافق علي طلبه يا هخسره

ياما اخس ياما هعيش متدمر
ياما اتجوز ياما هفضل مخنوقه طول عمري

اللي هو ازاي متبقيش مخنوقه ب5 طرق غير الجواز ممكن يبقي عندك كام اختيار

لما بنحط نفسنا بين اختيارين ملهومش تالت بنفضل نتألم بينهم
مابين اني اوصل للي عاوزه ولو وصلتله افضل خايف افقده
في الحالتين بيكون ألم

دي طريقه للتأثير علي الناس باستخدام لغة ميلتون بتستخدم كتير اوي في الاعلام
وبتتعمل معانا وبنصدقها كتير اننا بنتحط بين اختيارين ونتخيل ان ملهومش تالت
والحقيقه ان لو فكرنا هنلاقي علي الاقل 5 اختيارات في النص

تخيل لو فجأه ظهر حلول ابداعيه واختيارات مبدعه
لو انت شخص تاني مبدع ممكن يطلع كام اختيار تاني
اكتبهم كلهم حتي اللي مش متاح حاليا لانه ممكن يكون متاح بعدين
لما نوسع اختياراتنا الصح الحلال
الدنيا بتوسع ومصادر الحاجات بتكتر فالتعلق بيختفي
وبنعيش مرتاحين