منتدى الفرح المسيحى - الأمور العظيمة ...لايقوم بها ( العاديون ) !!!

https://upload.chjoy.com/uploads/1491153344111.jpg

بأعتذر مقدما عن ثقل دم الكلام ..

كثير من البيوت تحولت الى
(بيوت عادية)

الشخص اللى عنده عيلة وبيت وأولاد صغيرين ، غالبا بيبقى سنه ف الثلاثينات مثلا !!!
يعنى ف عز شبابنا ..وربنا مباركنا بخير كتير ،وصحة وشغل مش بياكل عمرنا وولاد زى الفل !!
يقوم ابليس يعمل ايه ؟؟؟

- يخلينا نبقى كسلانين جدا وننسى حاجات بسيطة ف نظرنا
( خدمة المحتاجين ، الصلاة الفردية والعلاقة الشخصية مع الله) -
كله ف الزحمة والهيصة حتى العبادة !

- يخلينا نحس اننا تمام جدا لأننا ( مابنعملش حاجة غلط !!!)
وعاديين وشبه كل الناس اللى ع الفيس بوك الحلوين !!!

- يسرق ٤ ساعات من كل يوم ف عمرنا
(ع القهوة ، التليفزيون ، ال Facebook , اى حاجة تبان عادية لكن تسيبك ف الاخر فاضى جدا )
والاهم تسرق ١٤٦٠ساعة ف السنة !!!

- يسرق من ولادنا حتى ال ١٠ق اللى ممكن نقرالهم فيهم حاجة مفيدة بالراحة ومن غير استعجال ونشرحلهم كلمة ربنا ..
.لأننا بتبقى مشغولين بالموبايل وبنكتب شوية whatsapp

- يسرق ذكريات ولادنا معانا من غير زحمة ...
لأننا على طول بنخرج ونسافر ونعمل كل حاجة ف الزحمة ودائما حوالينا ناس كتير غيرهم!! ...

- يغير شكل العلاقات فتبقى التجمعات كبيرة جدا لكن معظمها علاقات عابرة وماعندكش وقت تسأل وتهتم وتركز مع اصحاب قريبين منك ومحتاجين اهتمامك لان اليوم زحمة ...!!!

- يخلينا نبقى على طول متفرجين
( نتفرج ع التلفزيون، نتفرج على شاشة موبايل ، نتابع السياسة، حتى الأمور الروحية بنحضرها مش بنعيشها ....، !! )
والسن اللى المفروض هو سن المشاركة ..يبقى سن الفرجة !!!

بصراحة دمنا ثقل قوى ..وبقينا عاديين بزيادة ..
والأمور العظيمة ...لايقوم بها ( العاديون ) !!!