منتدى الفرح المسيحى - الخطة البديلة

https://upload.chjoy.com/uploads/1491067989781.jpg

الخطة البديلة
هي الحاجة اللي بنحطها لكل حاجة مهمة في حياتنا. للهدف اللي بنسعاله.
للمسار اللي قررنا نمشيه. لكل إجراء مهم محتاجينه يكمل.
لكن في العلاقات الإنسانية مبنعملش دا ويمكن هو مينفعش يتعمل،
مينفعش ندخل في علاقة صداقة أو حب واحنا مجهزين خطة بديلة لو ساب حد فينا،

المساحة دي مفيهاش خطة بديلة لأنها بدأت من البداية بدون أي تخطيط.
بدأت أنك حبيت الشخص دا بأي شكل من المحبة. الارتياح. القرب. الثقة،
احنا بندخل المساحة دي بدون تخطيط وبندي ما نملك من صدق جواها ومبنعملش حساب لخروجنا،
فبيجي وقت ونخرج مُجبرين للبراح اللي بره المساحة دي،
وعندها بنشوف كل براح الدنيا ضيق،
بنشوف ان المساحة الضيقة دي كانت مساحة العالم الواسع في عينينا.
بناخد وقت علشان نتأقلم. نشفى. بنعافر. بنجاهد. بنشقى. بنفوق. بنرجع. بنعيد دوامة طويلة من الوعي وانعدامه. من الأمل واليأس.
من جملة "كل حاجة انتهت" و "كل حاجة ساكنه ومستميته جوانا".

بنرجع فلاش باك لكل لحظة.
لحد ما نوصل عند لحظة البداية ونقول بحيرة وأسى "ليه عملت كدا؟!"،
ونكمل بحيرة الإجابة اللي بتتغير مع كل استسلام ومقاومه..