منتدى الفرح المسيحى - هو أنا بجد غريبة؟؟؟

https://upload.chjoy.com/uploads/1490456260181.jpg

في مشهد في فيلم إيما واتسون "بيل" بتقول لدان ستيفنز"الوحش"
بما معناه إنه زي مانتَ حاسس إنك غريب عشان شكلك أنا الناس شايفني غريبة
رغم إني مش شايفة نفسي كده ومش حاسة بكده..

قالها أمال الإحساس ده جه ازاي؟
قالتله people talk!
يمكن الجملة دي قلبتها بالعامية في ساعتها
الناس بترغي
الناس بتهري
الناس مفيش حاجة شغلاها
الناس بتتكلم عن كل الناس بطريقة تضايق كل الناس

الناس في لحظة من كتر كلامهم شككوني في نفسي وخلوني أسأل "هو أنا بجد غريبة"؟
رغم إن إيما واتسون كانت "مثقفة" و"بتحب القراية"
و"ليها مواصفات لشريك حياتها" إلا إنها بالنسبة للي حواليها كانت غريبة عشان "بتجادل"،
"مضيعة وقتها في القراية"، و "متجوزتش الواد اللي البنات كلها هتموت عليه"

مش شرط عشان انتَ مختلف عن كل الناس تبقى انتَ الغلط
ومش شرط عشان انتَ زي الناس تبقى انتَ الصح
بس الأكيد إن مهما الدنيا جابتك يمين وشمال people talk
الناس هتفضل تهري، وترغي، ومش هتسكت

وبالمناسبة..
الناس اللي بتهري كتير، في الغالب بتكون ناس فاضية من جوه!
لإن اللي مشغول بنفسه عمره ما هيفضل مشغول بغيره
فسيبك من كل حاجة
وكمل في اللي انتَ فيه
وسيب اللي ي talk ي talk براحته
وعلى رأي المثل الكويتي "كلام الناس تحت النُعال ينداس"