منتدى الفرح المسيحى - صوت "نبضاتك "

اول صوت خرج منك قبل ماتعرفى الكلام او تتعلمى ترتيبه ..كانت"نبضاتك"...اول اشتياق اتولد ليكى من قبل ماتتشافى .كان سببه صوت "نبضاتك " ...اول اعلان واضح لحياتك واقرار رسمى وتصديق حقيقى لواقع وجودك ..كان سببها صوت "نبضاتك" ... اول محبه مش مرسوم ملامحها او مفهومه اتزرعت ليكى ..كان وراها صوت "نبضاتك " ..اول لهفه لرؤيتك اتحطت ف قلب ام .كانت سببها صوت "نبضاتك " ..اول تخيل واحلام اتبنت ف عقول اللى حواليكى عنك ..كان سببها صوت ."نبضاتك " ..من وانتى لسه ف الدرا والخفا اتحبيتى .. اتطلب وجودك .. واترتب لحياتك .اتحبيتى وانت عبارة عن احجام صغيرة من اللحم ومقاسات لاتذكر من العضم .والقوة الووحيدة اللى بتمتلكيها علشان تقولى انك هنا كانت .".نبضاتك".. اتحبيتى وانتى لسه متشفش منك حاجة ولاكان مستنى منك شىء .. كان ليكى كل النصيب ده من الحب من اللى حواليكى برغم ان دى كانت "ملامحك " .وحدود وجودك ...طب يكون ازاى قلب اللى اصلا عمل كل الخيوط دى ونسجها واللى حاضر من اول ماكنتى لسه ف احلام ناس اتمنتك.. اللى دعاكى من العدم بكلمه "كون" اترمت ف رحم ....ازاى متصدقيش غير حب اللى لما شافوكى حبوكى وتمتنى ليه .. واللى من قبل ما تاخدى جنسيه "الوجود" حبك وللمنتهى...ازاى متصدقيش الحب اللى من قبل ما تكونى ..اعترف بوجودك ورسم واستنى واتمنى علاقه حيه تبدئيها معاه ...علاقة تنادية فيها ..بابا" ....