منتدى الفرح المسيحى

"طب اهدى" ...
دي تقريبا أكتر كلمة غلط و مستفزة ممكن تتقال لحد وقت عصبيته و انفعاله ...
و ممكن الموضوع يتحول لجريمة قتل عادي جدا ....

ممكن تمسك ايده بلطف من غير ما تشده ...
أو تطبطب على كتفه بحنان .... برده من غير متشده .... ...
أو ممكن تسيبه في حاله لحد ما يفرغ طاقة غضبه عادي جدا برده ...
(شايف الدنيا حلوة ازاي) ....
بدل ما يمسك في زمارة رقبتك و يطلع عليك القديم و الجديد ....

معلومة عالسيرييييع كده ....
نفسيا ... لو بتتخانق مع حد و عاوز الموضوع يهدى شوية ...
أو عاوز توصل للي قدامك أنك لسة باقي عليه ....
ناديه باسمه كذا مرة في وسط الكلام بأدب و لطافة و حنية
(حنية مش محن ... محن يعني استفزاز و برده هيمسك في زمارة رقبتك) ....
هتلاقي الموضوع واخد منحنى أهدى و ألطف ......

و في النهاية أعزائي القراء ...
أحب أقلكم الناس مبيجيش من وراها غير المشاكل ووجع القلب ....
اقطعوا علاقتكم بالناس و هاتوا كلاب و قطط و سلاحف ...
و كلنا هنرتاح صدقونى ....