منتدى الفرح المسيحى

كلنا بنهرب ف حياتنا من حاجات مش قادرين نواجهها أوخايفين نقرب منها .....
💮 اللي بتهرب من ولادها لانها مقدرتش تكون الأم اللي هما بيتمنوها
💮واللي بيهرب من أهله بينه وبين نفسه لانه عارف انه مقصر ف حقهم
💮واللي بتهرب من جوزها باستمرار لانها خلاص فاض بيها ومبقاش عندها حاجة تديهاله
💮واللي بيهرب من هموم حياته بانه يعمل كل حاجة غلط لانه حكم على نفسه انها خلاص .. صعب تكون صح
💮معتقدتش ان فيه حد فينا بيهرب بمزاجه , الكل بيهرب غصب عنه لأن المواجهة كتير بتوجع , والحقيقة مش دايما بنحب نعترف بيها لنفسنا عشان نتقبلها من غيرنا
💮اه الهروب بيخلينا نفتكر اننا عدينا المشكلة لكن ف الحقيقة انه بيكون كبرها جوانا مش العكس
💮بيقتل جوانا كل حاجة حلوه بس بالبطيييئ , بيبني حاجز بينا وبين أكتر ناس قريبين لينا ف حياتنا , اللي للأسف كتر الهروب بيخلينا نصدق اننا بنكرهم , مع ان مافيش حد بيحب حد هيهرب منه , بالعكس الهروب والعتاب بيكون بين الحبايب وعشان كده بيكون بيوجع قوى
💮أصعب نوع من انواع الهروب هو انك تهرب من نفسك , تضحك وانت عارف انك موجوع , تثبت بجدارة لكل الناس انك أسعد انسان ف الدنيا , ومن الناحية التانية جواك بيصرخ .. لان خلاص ابتسامتك الدايمة نسيتهم انهم يحسوا بيك
💮نسيانهم ده كتير بيضعفك وساعات بيقويك , ااااه كتر الوجع بيقوي
💮بيقوي تحملك وبيخليك أحن على غيرك لانك بتكون خلاص جربت احساس كل مراحل وجعهم , فعرفت ازاى تداويها .......
💮 بس لسه معرفتش تداوي نفسك وهي دي الكارثة الحقيقة
💮هروبك من أي حد غيرك ممكن تتعايش معاه والحياة هتمشي , لكن هروبك من نفسك طول الوقت هيخليك مش عارفك , مش عارفك لدرجة انك قدام هتتحول زيهم ومش هتحس بيك
💮فاوعي تسمح لنفسك تغيب عنك وتتجاهل شعورك ووجعك , اوعي تكتم لحد ماتيجي تتكلم فتلاقي صوتك مش موجود , عايز تعيط عيط .. عايز تفضفض اختار حد بتحبه وفضفض معاه , انت مهما كنت قوي فانت ف النهاية انسان ضعيف من حقك انك تجيلك لحظات ضعف وغلطة عمرك يوم ماتدوس عليها وتتجاهلها
💮ولو ملقتش حد , قوي نفسك بنفسك .. كافئها .. فسحها .. اتصدق واسعد غيرك
💮اديها المساحة انها تعيش كامل احساسيها بالشكل الطبيعي من غير أي ضغوط لان طول مانفسك معاك طول ما الحياة مش هتقدر تخبط فيك .. وهتقدر تواجه غيرك لحد ماتتحول عندك المواجهة لأسلوب حياة وهو ده الانتصار الحقيقي :) :) 💮الهروب عمره ابدااااااااا ماكان حل ولا هيكون ...........#كفيانا_مسكنات_كفيانا_هروووووووب