منتدى الفرح المسيحى

https://thefreeeagle.files.wordpress..._6346576_n.jpg

ولما رأى الجموع تحنن عليهم اذ كانوا منزعجين ومنطرحين كغنم لا راعى لها
مت ( 9 : 36 )

تحنن عليهم مجرد انه شافهم منزعجين
تعالوا نتأمل مع بعض فى الكلمه دى

صاحب الحنان

قد ايه ربنا حنين وقد ايه بيتحنن علينا ومفيش حد عنده حنان زى حنان ربنا
ولان الامر متوقف على قلبه ومشاعره وعواطفه
فحنانه خالى من اى نوع من انواع الاستفاده
هو مش مستنى مننا اى حاجه

النهارده ربنا بيوصلنا حنانه ومحبته وبيقول انه هو صاحب الحنان
قد ايه ربنا حنين وطيب
كم من مره فى الكتاب المقدس تحنن يسوع

مفيش حنان زى حنانك يارب انت صاحب الحنان يا ملجأ نفسى

تعرف لو قلت لربنا كلمه زى دى ( احتاجلك يارب )
عمره ماهايسيبك وهايجيلك بسرعه

ياصاحب الحنان احتاج اليك انت تعين ضعفى وترفعنى

الكلام ده فكرنى بترنيمه جميله كلماتها بتقول

يا صاحب الحنان ياملجأ نفسى انت هو الضمان فى وسط غربتى
احتاج اليك احتاج اليك
احتاج منك قوة لترفعنى
انت وحدك انت تعين ضعفى وترحمنى
ياسيدى انى اريد العمق فيك فرونى واحيينى
انى اريد نور حبك يسطع فى داخلى
ياصاحب الحنان هاصرختى اليك
انى اليك راجع اليك
ياصاحب الحنان

فيه حد تانى ينفع يكون زى حنان ربنا ؟؟
ياريت كلنا النهارده نسال نفسنا ياترى نعمل ايه قدام حنان ربنا ؟

قدام حنانك ياصاحب الحنان انا برجعلك وواثق انك هاتقبلنى
انا برتمى فى حضنك لانك الوحيد اللى تنفع تفهمنى
قلبك هو الوحيد اللى يستحملنى حتى وانا غلطان وتعبان
اغفرلى خطيتى وريحنى
سامحنى وباركنى وساعدنى

امـــ+ـــين