منتدى الفرح المسيحى - رسالة من اله المضطهدين ( فى العريش وكل مكان)

https://files.arabchurch.com/upload/i...2311654030.jpg

+ أنا يسوع اله المضطهدين
ببعت رسالة لكل المؤمنين
+ رسالة مش جديدة على السامعين
دا أنا قلتها من مئات السنين
+ ساعة ما جيت بالجسد للمنبوذين
ابشر واعزى كل المتألمين
+ والنهاردة بفكرك بوعدى الامين
اوعى تخاف او فى يوم تفقد اليقين
+ دا أنا دفعت فيك تمن ثمين
وعلى الصليب صفحت لكل المذنبين
+ اوعى تعيش بسببى وانت حزين
أنا عايز ولادى دايمأ فرحانين
+ وتعيشوا حياتكم بىّ منورين
حتى لو كنتوا فى اتون النار موضوعين
+ واذا حسيت بظلم افتكر القديسين
اللى كانوا على الالام صابرين
+ وفى وسط الالام انا المعين
ادافع عن اولادى المحبوبين
+ وفى لحظة اسمع القلب والانين
واستجيب سريعأ لصلاة التائبين
+ انقذهم من فم الاسد والتنين
وتبقوا دايمأ على الاعداء منتصرين
+ وتخرجوا من كل تجربة ثابتين
وعلى سلطان ابليس وكبريائه دايسين
+ وبعد ما يفتكر العالم انكم بلا معين
يكتشفوا فى الحال انهم غلطانين
+ ويعرفوا انم أنا اله المساكين
واحكم بالعتق للمأسورين والمطرودين