منتدى الفرح المسيحى - مش كل حضن بيدفى ومش اى مشاعر تشبع وتكفى

https://files.arabchurch.com/upload/i...4917474733.jpg

احتياجنا وجوعنا للمشاعر ممكن يمشينا ف سكك تستنزفنا ..وتاخد من طاقتنا ومشاعرنا .. مش كل حضن بيدفى ومش اى مشاعر تشبع وتكفى مع كل مرة قدمتى تنازلات عشان تتحبى وتتقبلى وجعتى نفسك واتخليتى عن قيمتك .. انتى اغلى من انك تاخدى بواقى المشاعر اغلى من انك تكونى مجرد تعويض وملى فراغ لجوع حد او "غلطه " ف حياة حد اغلى انك تكونى ف علاقه انانيه تلزمك تدى طول الوقت وتستنفزك تحت مسمى الحب .. اغلى من انك تحسى بمشاعر خزى تخليكى مش عارف تبوصى لنفسك ف المرايه ..انت اتخلقتى عشان وجودك يبقى الكفايه ..انتى "المعين والسند " وعمرك ماهتكونى "سد خانه "او تصبيره لجوع مشاعر .. انتى القلب اللى يستحق ملء المشاعر مش الباقى ..اعرفى قيمه نفسك ..قررى تتخلى عن علاقه قيمتك فيها مش متصانه حتى لو ف عين نفسك.. كل علاقه بتجرح فيكى وبتملاكى بكل مشاعر خزى وعار مكانك مش فيها . ..نفسك تستاهل منك انها تتحب كل الحب تتقبل من غير شروط ..اطلعى بره اى علاقه مش حطاكى ف مكانك الحقيقى ..ويوم ما تحسى انك توهتى ونسيتى ملامحك تعالى و ادخلى جوه حضن بابا " الله" هتعرفى يعنى ايه انتى متستهليش غير كل حقيقى وغالى .. ادخلى لحضنه من تانى عشان تتطبع فيكى ملامحه اللى اتشوهت ..وتتشحنى بقيمتك اللى ضاعت ويتجدد قلبك اللى اتكسر..تعالي لعلاقه هتديكى اللى مفيش اى علاقه هتعرف تدهولك.. تعالى ل .."بابا"