منتدى الفرح المسيحى - new gameابدا من جديد

وقف تصفح الفيس شوية✋، وخليك معايا من فضلك🤗.
اتعودنا في الحياة الافتراضية واحنا بنلعب Games علي التليفون📱 او الكمبيوتر⌨ او البلاي ستيشن.
انك لما تخسر وانت بتلعب، ده شيئ عادي.
اعمل New Game . وتبدأ من جديد. وممكن تكسب. مافيش مشكلة.
خسرت تاني؟ ابدأ من جديد تاني وتالت ورابع. وعاشر.
للاسف فيه ناس بتتعامل مع الحياة الواقعية بنفس تعامل ال Games.
بقينا ( بدون ادراك او وعي ). بنتعامل مع الحياة بلا مبالاة.( والألعاب ليها عامل في الموضوع ده علي فكرة).
※ مش بذاكر كويس، عادي. هاعرف الم المنهج قبل الامتحان.
※ مش بعرف اسوق كويس، عادي. لو عملت حادثه، مش هايحصل لي
حاجه. وهاصلح العربية ( بضغطت زرار ). والحياة جميلة.
※ عامل مشاكل مع مراتي او مع اهلي ( والعلاقات مهنجه ). عادي،
هادخل انام ( واسيب الجهاز يبرد ) واصحي . علاقتي تبقي تمام.
※ مش مجتهد في شغلي، عادي، آهي أيام وبتعدي، وبكره
هاعدي ( المستوي ) ده بالممارسه .
وعشان الحياة ما بتمشيش كده، دايما نشتكي اننا مش سعداء.
لازم تعرف ان الواقع الافتراضي والالعاب والحاجات دي، غير الواقع والحقيقه تماما.
※ مش بتذاكر كويس، هاتجيب مقبول، ولو حتي مسكت سلك الكهربا.
※ مابتعرفش تسوق كويس، هاتدخل المستشفي، انت مش ماسك ذراعات بلايستيشن .
※ فيه مشاكل مع الاهل، لو ماحلتهاش بنفسك، مافيش كائن فضائي هايجي يحلها لك.
※ مابتتعبش في شغلك، هاتفضل زي مانت طول عمرك.
⬅ بلاش التعامل مع الحياة بلا مبالاة كده، لازم تتعب عشان تعيش سعيد، انت اللي في ايديك ترسم طريقك.
⬅ ولازم تعرف ان غالبا غالبا غالبا المنطق بينتصر.( ومن جد وجد ).
⬅ يقول الشاعر
{ لولا المشقةُ سادَ الناسُ كلُّهم ُ }