منتدى الفرح المسيحى - المرونة ليس استستلام بل هى طريقة جديدة لتقول نعم للحياة

انا اقولك ياسيدي ازاي تبقي سهل في التعامل وعندك مرونة. 👥
1. يعني لما مراتك تقولك رايحه مشوار، ومش هايجيي من ورا المشوار ده ضرر . مع انك مش حابه بس قولها حاضر. 😊
2. يعني صاحبك يقولك تعالي معايا مشوار. مع انك مالكش مزاج بس تقوله حاضر.
3. يعني اخوك يطلب منك البنطلون بتاعتك اللي في الدولاب. وعشان انت مش لابسه. قوله حاضر.😊
4. يعني اختك الصغيرة لما تبقي رايحه رحلة وعاوزه تاخد تليفونك عشان كاميرته حلوة. قولها حاضر.
5. يعني لما حد ييجي يعتذر لك عن حاجه غلط، تقوله ماتعتذرش عن حاجه، انا مش زعلان اصلا 😊 ( وكفاية انه حاسس بالذنب ).
6. لما تكون بتشتري قميص، وتلاقي كل حاجه فيه مظبوطه تمام، بس الزرار حجمه كبير شوية عن اللي في دماغك، خليك سهل وخد القميص.
7. يعني لما والدتك تقولك انا هاعمل مكرونة ،( وانت مش بتحبها اوي زي حالاتي كده 😂 ). قولها حاضر طالما بقالك كتير ماكلتهاش. عادي.
مش هاتموت يعني لو اكلت النهارده مكرونة 😭.
خليك سهل 😄
خليك لين

المرونة ليس استستلام بل هى طريقة جديدة لتقول نعم للحياة