https://st-takla.org/Pix/Jesus-Christ...f-Jesus-38.jpg


لا تخافوا
سمعناها كتير
من الرب القدير
انتوا أفضل من العصافير
بتكون هنا دلوقتى
وبعد لحظات بتطير
وبيرعاها رب كبير
فحتى شعر رؤوسنا
اللي بيتقص ويتمدد
وبيقع ويتجدد
عنده معدود
وكل شعره بتسقط
بتاخذ اذن من الرب المعبود
..............
لا تنظر للماضي ولا تتحسر
ولا بخطاياك وذنوبك ابدا تتعثر
دا ربك بيغفر وينسى الآثام والشر
لا تخاف على الحاضر
دا فى يد الله اللي بيرعانا
ومش ممكن ابدا ينسانا
وهو أمس واليوم
والى الابد معانا
لا تخاف على المستقبل
دا بكره فى يد أمينه
بتقدم لينا دائما معونه
وفى المخاطر بنفسه يخاطر
وينقذنا من اي مخاطر
.................
لا تخافوا حتى من رئيس ولا مرؤوس
دا عند المولى بتتساوى كل الرؤوس
لا تخافوا حتى لو فيه قيصر
ظالم وبيتمادى فى الظلم والشر
مادامتم بتعملوا الخير
والله فى ايديه ارواح كل البشر
وهو نجى الفتية من أتون النار
وسد افواه الاسود
دا الهنا قوى وعلى الكل يسود
وياما آباد وأقام رؤساء وممالك
وهو الباقي والحي المالك.
عن شعبه يدافع
بملائكة علويه
مش بطائرات ومدافع
...................
لا تخافوا من ظلم او فقر او اضطهاد
مش بياخد الروح الا رب العباد
دا الهنا قوى وعلى الكل ساد
وافرحوا لو قالوا فيكم
كلمة رديئة
دا ليكم أجر وثواب
شهداء وانبياء
والله يرعاكم فى الدنيا الفانيه
ومتخافوش من الخطية
توبوا ويغفرها رب البشرية
دا هو عنده أعظم عطيه
سلامه يديكم
وروحه يهديكم
وفى النهاية حياه ابدية

موضوع ديني ايماني روحي جميل ورائع

حياك الرب وبارك بك بجهودك الطيبة
موضوع تساهم في نشر وتطبيق تعاليم السماء في الأيمان والرجاء المحبة والسلا م والتعاطف والتآلف ونبذ التطرف والتعصب والعنف والأرهاب والمذهبية والطائفية والأنغلاق غير الواعي وقبول الآخر المختلف في الفكر والعقيدة والدين بصدق و قناعة وطيب نفس
احسنت في الأختيار وابدعت في الأنتقاء
الأستاذ الطيب الكريم
" مـجـد ي "
"سلام ونعمة وبركة يسوع المسيح مع جميعنا
وافر شكري وجل احترامي وجميل تقديري وصادق ودي وصدق محبتي