|
اساسيات الوصول للهدوء والسلام النفسي
يعني هل كده انا طبيعيه؟ طبيعيه ازاى وانا دايما فى صراع وتعبانه؟ مين قال كده...لازم يكون فى توازن... أكيد فى ناس مستريحه مش عايشه الصراع بتاعي ده.... ممممم طيب عارفين الصراع ده جي منين؟ الاحساس باني مش طبيعيه...ومضايقه.... وبزق نفسي اكون شخصيه تانيه... الصراع والاحساس ده جي من حاجتين: 1-صوره انا رسماها المفروض تكون حياتي عليها... احساسي وشعوري مودي وتعاملي وكل تفاصيلي... توقعات رسماها لكل حاجه...سواء مني او مجتمع وناس حواليا بيفرضوها عليا. 2-عدم قبول ورفض...لكل ما هو غير موافق للصورة والتوقع بتاعي.. فبرفض وضعي...برفض مشاعري ومش قبلاها... مش بقبل اني اعمل شىء بمعايير قليله... مش بقبل اني تعبانه وواقعه ومش طايقه حد... رافضه اني مش سعيده دلوقتي...او اني فشلت فى تجربه... او اني مش قادره اوصل لقرار...او اني غضبانه وجوايا مشاعر سلبيه. وعندنا قاعده بتقول اللى بنرفضه بيزيد ويثبت فبالتالي كل ما ارفض حاجه فيا ومقبلهاش...كل ما يزيد حدتها إني أقبل نفسي بكل تغيراتها واللي بيحصلها...وأحترم ده واتعلم اتعامل ازاى معاه...واتعلم ازاى احسن نفسي مع قبولى ليها دي اساسيات الوصول للهدوء والسلام النفسي |
رد: اساسيات الوصول للهدوء والسلام النفسي
ربنا يبارك حياتك |
رد: اساسيات الوصول للهدوء والسلام النفسي
ميرسي على مشاركتك الجميلة رينا
|
رد: اساسيات الوصول للهدوء والسلام النفسي
ميرسى لمروركم الغالى
:):):) |
رد: اساسيات الوصول للهدوء والسلام النفسي
دائماً مُشاركاتَكْ رائْعة
موضوعك مُمَيز ربنا يبارك خدمتك |
رد: اساسيات الوصول للهدوء والسلام النفسي
ميرسى لمرورك الغالى
:):):) |
| الساعة الآن 05:17 AM |
Powered by vBulletin® Copyright ©2000 - 2025