منتدى الفرح المسيحى - الفكرة فى الاحتياج

الفكرة مش فى الارتباط ...الفكرة فى الاحتياج لكلمة "انا جمبك ..ارمى عليا ...احكيلى "
احنامحتاجين حد يحسسنا اننا بشر ..محتاجين حد منتكسفش منه ونحكيله كل تفاصيل حياتنا بكل العمق والدوشة والحزن والكابه وحتى الهيافة اللي فيها
محتاجين حد يسمعنا علشان عايز يسمعنا مش علشان دا واجب او فرض علية.
محتاجين نطلع الطفوله اللى جوانا ونتصرف براحتنا من غير اما يتقلنا "هيافه"
حد نقوله عن مشاكلنا من غير ما يقولنا "انت كئيب ونكدى ".
عاوزين طبطه واحتواء مع عقل ينصحنا ويكمل احلامنا
حد مانخفش من الدنيا ومصايبها وهو معانا
حد قابلنا بعيوبنا وكلاكعنا ومزاجنا اللى بيتغير فى الساعه الواحدة مليون مرة
حد ما اطلبش منه انه يسندى ..لا هو بيسندى قبل اما ابدا اقع
حد يعرف امتى يبقى صاحب وامتى يبقى #حبيب وامتى يبقى اخ وامتى يبقى اب
حد يعوضنا شويه عن حاله الياس والحزن واللى عشناها ويحسسنا اننا لينا قيمه وان غيابنا بيفرق معاة مش مجرد حاجه على الرف
احنا عاوزين حقن طبطبه واهتمام وحب وثقه وسند وامن مش حقن ارتباط وخلاص..
❤❤