منتدى الفرح المسيحى - ليه الرقص حلو ؟؟

ليه الرقص حلو ؟؟

بعد يوم متعب دخلت أوضتك ،، قفلت الباب ،،
شغلت موسيقي و وقفت قدام المراية ،، و فضلت ترقص

سواء ولد او بنت ، مفيش حد فينا معملش الحركة ديه و خصوصا ان بعد ما تخلص رقص تفضل تضحك علي نفسك و تقول ايه الهبل اللي انا عملته ده

بس اشمعنا بعد الرقص ده بنتسريح شوية ؟؟

بغض النظر ان الرقص بيخلي مناطق مختلفة تشتغل في المخ عشان تربط بين حركة العضلات و توازن الجسم و سمع الموسيقي فيشتت تركيزك و يخليك متفكرش في اليوم المتعب اللي مرت بيه و احداثه ..
بس في حاجة تانية بتحصل مع الرقص و هي خروج الـ Endorphins ..

الموضوع بيبتدي لما العضلة تبتدي تتحرك و مع المجهود تتعب بشكل تتدريجي فالجسم يخرج كمية كبيرة من الـ Endorphins كمسكن او مخدر للعضلة ديه و اللي بدوره يريح التعب الجسدي و برضة يحسن من الحالة النفسية للشخص و لا كأنه واخد قرص ترمادول

فببساطة كل ما تحس أنك متضايق أرقص أو تحسي أنك مهمومة أرقصي ..
فزي ما قال " نيتشة " : (( علينا أن نعتبره يوم ضائع .. هو اليوم الذي بلا رقص ))