منتدى الفرح المسيحى - تخيل انك اتحبست جوه بطن حوت كبير

تخيل انك اتحبست جوه بطن حوت كبير
مياه في كل ناحية على شوية اكل مهضوم على اعشاب وريحة منتنه..

https://upload.chjoy.com/uploads/1486458258261.jpeg

يعنى اتحكم عليك بالموت من بره ولو مموتش فهتموت من الكتمه والخنقة والضلمة جوه يعنى مفيش مفر ..

لو فكرنا مكان يونان ..
ربنا بيعمل كده علشان انا معملتش اللى عاوزه وافتقدت شعب نينوي ..
انا استحق .. استني بقي لما اموت ماهو مفيش خلاص من المكان ده ..
ده مش سجن دى بطن حوت .. لو عملت كل حاجة محدش هيحس بيا ..

لكن يونان علشان كان قلبه مع ربنا حتي لو غلط ..
فبدل ما يدخل حاله اليأس ..
دخل حاله حب مع ربنا وصلاة قوية جدا لما بدأها وقال
"دعوت من ضيقي الرب فاستجابني"

يعنى انت يايونان بتقول استجابني وانت في بطن الحوت ..
ياراجل قول كلام نصدقه طيب ..
لكن نلاقي انه من اجل ايمانه ربنا حفظه وطلعه من بطن الحوت بعد ما كان خلاص حالته ميئوس منها ..

لما تكون متورط .. او تعبان .. او مخنوق من اى حاجة ..
او حاسس انه دى النهاية ..
اوعي تيأس .. حاول .. صلى .. صلي اكتر .. صلي بايمان

وافتكر انه اللى حافظ على يونان جوه بطن الحوت وطلعه سليم مفهوش اى حاجة ..
قادر يحفظك .. ويخلقلك من الباب المسدود الف طريق

ومتنساش الآيه اللى يونان قدر يلين بيها قلب ربنا ويفتح باب السماء
دعوت_من_ضيقي_الرب_فاستجابني