منتدى الفرح المسيحى - خلي الخدمه حضن يشيلهم

كلمه لكل امين خدمه ولكل امينه خدمه
#####################
ياريت تقدروا الخدام اللي معاكوا..كل خادم عنده مشاكله جوه شغله..عنده هموم في حياته..في خادمات عندها عيال صغيره بتوديهم مدارس ويقعدوا يذاكروا ليهم..غير التزامات الخادم كزوج و كأب جوه بيته.والتزام الخادمه كزوجه وام جوه بيتها..ماتبقاش ربنا ادالك وزنه امين او امينه خدمه وتنسي ان دول بيجوا الخدمه بعد يوم او اسبوع ماليان تعب..بلاش تخلوا الخدمه والكنيسه مكان شبه احساس الخدام وهما رايحين شغلهم.. ويبقي اسلوب مديرهم في الشغل بيشوفوه في امين او امينه خدمتهم..قدروا الخدام الشقيانه طول الاسبوع..خلوهم يستنوا يوم الخدمه فرحانين مش شايلين همه..استحملوهم وحسوا بيهم لان محدش بيحس بيهم طول الاسبوع..الخادم بيحتاج يحس انه حد حاسس بيه محتاج يحس انه مخدوم..كل امين خدمه يبقي اب. وكل امينه خدمه تبقي ام..بلاش تبقوا مديرين محتاجين مجموعه مهام من الخدام علشان بورصه الخدمه تعلي..خلي الخدمه حضن يشيلهم علشان يقدروا يشيلوا صليب خدمتهم بفرح