منتدى الفرح المسيحى - سيبه في حاله .... هيلف لفتين ... و هيرجعلك تاني ...

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

سيبه في حاله .... هيلف لفتين ... و هيرجعلك تاني ...

هتمر عليك فترة في حياتك ... عقلك هينفصل فيها عن الواقع ...
موجود ... عقلك موجود ...
بس مش في المكان .... و لا في الزمان الحاضر ....
في لمة أهل أو صحاب أو زحمة شغل ....
أنت موجود ... بس مش موجود ....
الناس بتكلمك ... و أنت بتتجاوب ... و بتتفاعل .... بس حرفيا ....
عقلك في مكان تاني .... منفصل تماما عن الواقع .....
أفضل أوقاتك لما تكون لوحدك ...
بتحاول تستعيد توازنك ...
محدش هيبقى فاهم و لا حاسس أنت بتمر بايه ...
أنت نفسك هتاخد فترة عشان تستوعب الحالة اللي أنت فيها .....
حالة من اللامبالاة .... من الركود ... مش اكتئاب ... و لا حزن و لا زعل ...
حالة من الانسحاب الداخلي و ليس الظاهري ....
حالة مؤقتة من التمرد اللاإرادي لكيانك على الوضع الراهن .....

بالبلدي ... عقلك بيقلك
"سبني في حالي يا عم ... أنا قرفان .... " ....
ببساطة ... سيبه في حاله .... هيلف لفتين ... و هيرجعلك تاني ....