منتدى الفرح المسيحى - من السهل الوصول للقمة , لكن من الصعب المحافظة عليها

لما بتحب تعمل حاجة مميزة في حياتك ،،
غالبا بتحط هدف علشان تعرف تحققها

انا عاوز ازود شغلي اكتر واكتر علشان اترقي
انا عاوز ازود مصدر دخلي علشان ارتبط
انا عاوزه اذاكر واطحن نفسي علشان اجيب مجموع كبير
انا عاوز العب رياضة بشكل مكثف علشان اخس

الاهداف بتختلف بس النتيجة بتكون واحدة ،،
انك نجحت واثبتت نفسك وعملت اللي انت عاوزه

لحد هنا جميل ،،
بس اللي بيحصل عاده انك بعد مابتكون حققت هدفك وارتحت ،،
بتلاقي انك بعد ما وصلت للقمة بتبدا تكسل وتهدي وترجع تاني

اللي اترقي ابتدا يريح في شغله لحد ما واحد تاني سبقه في الترقيات واخد مكانه
اللي ارتبط فكر انه كده مش محتاج يزود رزقه بس الحياة صعبة ومكلفه وحتي اللي هيقبضه مبقاش يكفي
اللي ذاكر وجاب مجموع كبير ارتاح في كليته فبدأ يشيل مواد
اللي خس افتكر انه انا كده عملت اللي نفسي فيه بس محافظش علي ده فابتدا يرجع تاني

كل ده حصل لانك حطيت هدف واحد ف حياتك ،، بعد ماحققته رجعت بالسهم لورا
وعلشان كده لما تكون عاوز تعمل حاجة مميزه ،،
متحطش هدف واحد ده غلط ،،
حط هدف لكل مرحله ويفضل يكون اكبر من اللي قبله علشان تنجح وتستمر اكتر واكتر

يعني بدل ماتترقي بس لا فكر تبقي مدير الشركة و بعدين مدير الفرع وهكذا
وبدل ماتنجح بس في الجامعه لا يبقي في تقدير وبعدين معيد وممكن دكتور
الامثال كتيره وكل وحد هو عارف عاوز ايه وبيدور عليه
لكن معني هدف واحد يعني نجاح معين يعني راحة واطمئنان وبعدين تدريجيا بداية فشل ،،

وافتكر دايما انه ،،
‏ღ من السهل الوصول للقمة , لكن من الصعب المحافظة عليها ღ