|
خد بالك من كلامك مع ابنك
هو قال: برضو ما طفيتش التكيف و انت خارج؟! هو انا لازم افكرك بكل حاجة كده؟! بس هو قصد: التكيف .... (اه بس كده) -------------------------------------------------------------------------- لكن أبنك فهم: ما انا بني ادم ممكن انسى عادي على فكرة! ما يقفله هو طالما هو شايفني مش مسؤول للدرجة دي... ولا اقولك!!! هسيبه مفتوح بالعند فيه المرات اللي جايه! |
رد: خد بالك من كلامك مع ابنك
هي قالت: ايه ده! انتي لسة بتقطعي في الخيار؟ انا كان زماني خلصت السلطة كلها!�� بس هي قصدت: يا بنتي انا مبسوطة انك بتساعديني في المطبخ و نفسي تبقي اسرع. --------------------------------------------------------------------------------------- لكن البنت فهمت: مساعدتي لماما زي قلتها. انا بطيئة اوي و مش نافعة. مش هدخل المطبخ تاني |
رد: خد بالك من كلامك مع ابنك
هو قال: بعد كل اللي صرفته عليك طول السنة جايبلي مقبول يا فاشل!؟ بس هو قصد: يابني انا مستعد اديلك عينيا بس تقوللي محتاج ايه عشان تجيب تقدير اعلي. ----------------------------------------------------------------------------- لكن الولد فهم: مانا عارف اني فاشل ايه الجديد يعني :/ يا ريته كان صرف الفلوس في حاجة مفيدة و جابلي عربية احسن! |
رد: خد بالك من كلامك مع ابنك
هو قال: انا اما كنت في سنك كنت بطلع الأول على الفصل! بس هو قصد: انت اهم حاجة في حياتي وعايزك تحقق كل احلامك و تعمل اللي انا مقدرتش اعمله ------------------------------------------------------------------------------------- لكن الولد فهم: انا مش ناجح زي بابا و عمري ما هاقدر اكون زيه و هبقى السبب في خيبة أمله :( |
رد: خد بالك من كلامك مع ابنك
موضوع جميل بجد يا رينا
|
رد: خد بالك من كلامك مع ابنك
مشاركة جميلة جدا ربنا يبارك حياتك |
رد: خد بالك من كلامك مع ابنك
ميرسى لمروركم الغالى
:):):) |
| الساعة الآن 04:20 AM |
Powered by vBulletin® Copyright ©2000 - 2025