منتدى الفرح المسيحى - أنت انجيل معاش

موقف لسه حاصل معايا دلوقتي ... 😃
ركبت ميكروباص من فيصل تعاون ل أول فيصل ،
و ركبت جمب السواق ( ف حدود 35 سنه كده )
و الغريب أنه كان مشغل ألحان سهره كيهك 😍
كنت مستغرب بس مبسوط 😄 قلت لازم اتكلم معاه ☺

أنا :- حلو الكلام اللي بيتقال ده أوي
السواق :- آه ده كلام ربنا ، أنت عارف اللي بيتقال !!؟

أنا :- آه أنا مسيحيي ☺ ، بس أنت مشغل ده علشان الصيام و كيهك و الأيام دي ولا ديما كده بقي !؟
السواق :- بص هو من 3 جمعات بدأ اعمل كده ( و ابتسامه و كلام بفرحه كبيره أوي )

أنا :- اشمعنا بقى 3 اسابيع !؟ ( و منتبه لكلامه جدا )
السواق :- كان في واحد زيك كده ركب معايا من التحرير ل أول فيصل علي الساعه 10 كده و أنا كنت بشرب سجاير و عمال أشتم ف السوقين و العربيات ،
المهم هو فتح كلام عن السجاير و الشتيمة و بعدها فضل يتكلم عن المسيح و أنه مات علشاني و أن حياتنا دي ملهاش لازمه و بعدها هنطلع نكمل معاه،
وفضل يتكلم معايا لحد الآخر مع أنه كان نازل أول فيصل ، بعد م كله نزل ركنا
و قلتله هو ينفع أنا أكون بعمل اللي بتقول عاليه ده و أنا سواق ،
رد و قال آه طبعا ، و صلى معايا و من ساعتها كأن جبل واتشال علي قلبي واداني إنجيل و رجعته تاني ل أول فيصل ☺

( انا بسمع الكلام ده و منبهر ) يجي الشخص اللي قاعد جمبي يقوله ...

الشخص :- يعني أنت مصدق اللي بتحكيه ده أن كده هتروح الجنه !!؟
مافيش حد هيدخلها إلا لما يقول الشهادتين
( كنت لسه هتكلم مع الشخص بس السوق رد )
السواق :- لما حد يموت علشاني علشان أكون معاه و بعد كده اسيبه و ابهدل نفسي و أرجع تاني و يرحب بيا يبقي ماقدرش ابقي مع غيره و مافيش غيره أصلا 😍

( الشخص سكت دقيقه كده و قاله نازلني هنا 😅 )

انا :- حقيقي اللي بتقولوا ده حلو أوي
السواق :- آه بس لما تعرف أنه كلمني هتفرح أكتر ☺

انا :- بجد 😃 ازاي !!؟
السواق :- روحت فضلت أصلي لحد تاني يوم و قلتله زي مخلتني أعرفك انا عايز طول م انا ف الميكروباص أتكلم معاك و اعرف الناس عنك اشمعني انا عرفتك 😃 ف نمت و تاني يوم لقيت فكره ف دماغي أن اشغل علي طول ترانيم و أي حد ذيك كده اتكلم معاه ☺ و من ساعتها بطلت سجاير و كل حاجه و ذي م أنت شايف كده 😃 و إيراد اليوم بقي كتير و مبيفوتش يوم إلا لما اكلم عاليه مع حد 😇 ..
و يالا بقي اول فيصل جه علشان يبعت حد اتكلم معاه تاني 😄 😂

قصه و موقف بسيطه أوي أوي ، بس بيثبت حاجات كتير أوي ...
الله موجود ، في ناس بتتحرك و بتكلم عنه و بتنقل مجده ،
النور لما بيوصل مبيحبش يكون في ضلمه ، الله بيتكلم ،
نقدر نتكلم معاه اي وقت و اي مكان 😍

كل حاجه بتقول و أنك مؤثر و أنك سبب ف تغيير حياه ناس كتير
و الله بيستخدمك أدرك ده و صلي و اعرف انت دورك ايه ..
ٱلْأَسَدُ قَدْ زَمْجَرَ، فَمَنْ لَا يَخَافُ؟ ٱلسَّيِّدُ ٱلرَّبُّ قَدْ تَكَلَّمَ، فَمَنْ لَا يَتَنَبَّأُ؟ ( عَامُوس 3:8 )

تاثيرك_قوي 💪
أنت_مستخدم 😉
أنت_بتشكل_حياه_ناس 😃

cpd