منتدى الفرح المسيحى - الموت مش فراق..!!

مهما عدي عليك زمن
فاكرك دايماً مش ناسيك
بعدت فجأة وتملي حاسس
اٍني عايش معاك وبيك
بكتب عنك فـ كل مرة
قاصدك تملي بـكل خير
في كل قعدة حلوة دايماً
كُـنا 4 مِتـجـمعـين..
ده انا لسه بتخانق معاك
زى أما كنا صغيرين
كاٍنك معايا برسم قصادك
ضحكة عدت من سنين
بلبس هدومك .. وبرفناتك
أنا برضو زيك بشتريها
صورك معايا ، رقمك معايا
ورسايلك محتفظ بيها
سلم ع الي راحوا قبلك
خدتوا قلبي كمان معاكم
بس أنا عايش بقلبك
ومستحيل فـ يوم أنساكم
واٍنت يا تُراب التُرب
مش هتخفي فـ يوم ملامحة
مهما عدي مـ الزمن
دايماً فـ بالي وببقي فاكرة
"ماتقولهاش اٍني بكتب
كلام كتير عنك بيتعب
زي مـ الي بيقرا قال"
هي مبتقدرش تحكي
اصلها يوماتي تبكي
علي بٌعدك زي العيال
والي كنت فاكرة قاسي
قرب منه وحِس خـوفة
اٍنت عندة شيء أساسي
فـ كل دعوة بأعلي صوتة
أما عني فـ انت عارف..
غصب عني مش بـدمع
بس اٍحساس اٍنك هتمشي
ومش هترجع..كان بيوجع
بسأل ربنا عنك..وادور عليك
انت فين ؟؟
والاجابه هي اٍنك..
حب عايش فـ قلبي دايماً
مهما بُعدك طال سنين..