منتدى الفرح المسيحى - كفايه تكون انسان

<< اليوم اللي جدتي اتوفت فيه ،، طلبوا مني اروح اجيب حاجة من البيت ،،
، كنت نازله الشارع مش عارفه ازاي الناس بتضحك وتهزر ،،
وازاي اصحابي بيقولولي تعالي نخرج يومين وهتنسي ،،
ميعرفوش انها كانت امي التانية

<< واليوم اللي ادوني دور امثله كنت طايرة من الفرحة ،،
كنت شايفة ان مفيش حاجة في الدنيا ممكن ازعل عليها ،،
افتكروني تافهه وساذجة ،،
ميعرفوش اني من وانا صغيرة نفسي امثل وقابلت احباطات كتير وفشل اكبر ومحاولات لحد ما نجحت واعجبوا بتمثيلي ...

الخلاصة ،،
بلاش تقللوا من حزن او فرح حد لمجرد انكم شايفين السبب تافه وبسيط
انت متعرفش هو تعب اد ايه ،، واستني اد ايه ،،
ولو اتجرح فمعركته كانت قاسية مع الحزن ازاي

كفايه تشاركوهم فرحهم او حزنهم من بعيد ،، لكن ارائكم متظهروهاش
هما مش محتاجين غير تشجيع ،، كلمة حلوة ،، او كلمة تسند في وقت الازمة

متكونش_ناقد
كفاية_تكون_انسان