منتدى الفرح المسيحى - ساعات بتزعل من ربنا ..

ساعات بتزعل من ربنا ..
بتعاتبه ..
بتطلب منه حاجات نفسك فيها وبرضه مبتجيش ..
بتتعشم فيه انه يحقق طلباتك ومفيش حاجه م اللي بتطلبها بتحصل ..
يمكن ساعتها بتحس انك مكسور وقليل الحيله ..
وبتخاصم ربنا وتاخد علي خاطرك منه ..
لأنك فاكر انه ناسيك ومش سامعك ..
فاكر انه قاسي عليك وقاصد يزعلك ..
ومتعرفش انه بيحضرلك خطه وتدبير مجاش علي بالك .. ( خطه عظيمه مدبرهالك ) ..
ومستني الوقت المناسب اللي يبعتلك فيه هديتك ..
والفرحه اللي بقاله سنين بيحضرهالك وبيصنعها بايديه الحلوه ..
( وقته غير وقتك .. وساعته مظبوطه بالثانيه ) ..
المهم انك متزهقش ..
اطلب منه كل يوم وقوله لن اطلقك ان لم تباركني ..
اطلب بلجاجه و اتعشم ف ربنا أكتر ..
متبطلش تصلي .. متبطلش تطلب ..
ربنا بيحب اللي يزن عليه .. اللي بيفضل وراه لحد ما يسمع صلاته ..
..
واتشجع .. علي أد الصبر اللي صبرته علي أد الفرحه اللي ربنا هيبعتهالك

"إِنْ تَوَانَتْ فَانْتَظِرْهَا لأَنَّهَا سَتَأْتِي إِتْيَانًا وَلاَ تَتَأَخَّرُ" .. ( حبقوق 2 : 3 )
'' مينا مجدي ''