منتدى الفرح المسيحى - خليك فى حالك

https://upload.chjoy.com/uploads/1479632342181.jpg

- ما تتريقوش على بنت بتحب واحد كبير في السن .. ممكن تكون يتيمه و محتاجة للأمان وحنان الأب
- ما تتريقش على لبس حد لأنه ممكن ما يكونش عنده غيره
- ما تشتمش واحد بيعدي الشارع و انت معدي بعربيتك ممكن تعب المشي خلاه مش مركز
- ما تخيبش أمل أمك و أبوك فيك .. عشان انت الامل اللي هما عايشين عليه
- ما تتريقوش على حد بيهزر و بيألش كتير .. ممكن يكون بيشحت الضحكه عشان نفسه يحس انه سعيد و ينسى أحزانه
- ما تضحكش على بنت لابسة باروكة او ولد لابس باروكة .. ممكن يكون عندهم Cancer و شعرهم بيقع
- ما تعشمش بنت بالجواز لو انت مش ناوي تتجوزها لإنك ممكن تكسرها بجد
- ما توقعوش بين الناس و تخربوا البيوت بكلامكم .. انضفوا من جوا
- ما تنصبوش أنفسكم قضاة و تحاسبوا الناس على كل صغيرة و كبيرة .. قل خيرا او لتصمت
خليك في حالك وسيب الناس في حالها .. كل واحد فيه اللي مكفيه