منتدى الفرح المسيحى - شوف مشاكلك كويس

لما بيكون عندنا مشكله كبيره وضخمه زي
الخوف
عدم تقدير الذات
الضعف
الاحساس بالفشل
التعلق
وهكذا
بتبقي عامله زي حيطه كبيره اووووي وضخمه مش مخليانا نشوف حاجه تانيه غيرها
او بنشوف الحاجات مش واضحه
مجرد ما المشكله دي تخلص او تقل
بنتفاجيء ان ايه ده انا ازاي مكنتش شايف الكلام ده قبل كده
ازاي كنت بفكر كده
كانك اول مره تشوف الدنيا علي حقيقتها
المشاكل اللي عندنا بتبقي عامله زي نضاره مش مناسبه لينا
بتخلينا نشوف الدنيا مش واضحه وبنفتكر ان دي حقيقتها
فجاه الحلول بتظهر ونفكر ازاي مفكرناش كده قبل كده
الحقيقه ان اي مشكله بتكون ضخمه لاننا بنفتكر
اننا مش هنعرف نتعامل معاها
انها اكبر مننا
انها هتفضل معانا طول العمر
انها مرتبطه بينا وبنفسنا مش مجرد مشكله
بس يوم ما هتخلص هنشوفها في حجمها الحقيقي
ومش بعيد نضحك علي نفسنا وعلي تفكيرنا
ساعتها بس هنعرف اننا اتنقلنا لمرحله جديده من الوعي